അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: വര്‍ക്കലയില്‍ വീടിന് തീപിടിച്ചു. തമിഴ്‌നാട് സ്വദേശിയായ ഗണേഷ് മൂര്‍ത്തിയും കുടുംബവും വാടകയ്ക്ക് താമസിച്ച വീട്ടിലാണ് തീപിടുത്തമുണ്ടായത്. ഇന്നു രാവിലെ ഏഴുമണിയോടെയാണ് സംഭവം. കുട്ടികളെ ഉറക്കിക്കിടത്തി ഗണേഷ് മൂര്‍ത്തിയും ഭാര്യ രാജേശ്വരിയും ജോലിക്ക് പോയ സമയത്തായിരുന്നു അപകടം നടന്നത്.
അതേസമയം, തീപടരുന്നത് ശ്രദ്ധയില്‍പ്പെട്ട നാട്ടുകാരാണ് വീടിനകത്തു കയറി കുട്ടികളെ രക്ഷപ്പെടുത്തിയത്. വീടിനുള്ളില്‍ കത്തിച്ചുവച്ച വിളക്കില്‍ നിന്നാണ് തീപടര്‍ന്നത്. ഫയര്‍ഫോഴ്‌സ് സ്ഥലത്തെത്തി തീ അണച്ചു. തീപിടുത്തത്തില്‍ ഗ്യാസ് സ്റ്റൗ അടക്കമുള്ള വീട്ടുപകരണങ്ങള്‍ കത്തിനശിച്ചു.
