അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സൗബിന് ഷാഹിര്, ബിനു പപ്പു, നസ്ലിന് എന്നിവര് കേന്ദ്ര കഥാപാത്രങ്ങളായി എത്തുന്ന ഏറ്റവും പുതിയ ചിത്രം ‘അയല്വാശി’ റിലീസ് തീയതി പ്രഖ്യാപിച്ചു. ചിത്രം ഏപ്രില് 21ന് ലോകമെമ്പാടുമുള്ള തിയറ്ററുകളില് പ്രദര്ശനത്തിനെത്തും. ഫാമിലി കോമഡി എന്റര്ടെയ്നര് ആയ ചിത്രത്തിന്റെ രചനയും സംവിധാനവും നിര്വഹിച്ചിരിക്കുന്നത് നവാഗതനായ ഇര്ഷാദ് പരാരിയാണ്. ആഷിഖ് ഉസ്മാന് പ്രൊഡക്ഷന്സിന്റെ ബാനറില് നിര്മ്മിച്ചിരിക്കുന്ന ചിത്രത്തില് നിഖില വിമല് ആണ് നായികയായി എത്തുന്നത്.
ചിത്രത്തില് ജഗദീഷ്, കോട്ടയം നസീര്, ഗോകുലന്, ലിജോ മോള് ജോസ്, അജ്മല് ഖാന്, സ്വാതി ദാസ് പ്രഭു, അഖില ഭാര്ഗവന് തുടങ്ങിയവരും പ്രധാന വേഷങ്ങളില് എത്തുന്നു.
സജിത് പുരുഷന് ഛായാഗ്രഹണം നിര്വഹിക്കുന്നു. ജേക്സ് ബിജോയ് സംഗീത സംവിധാനം ഒരുക്കുന്നു. എഡിറ്റര് സിദ്ധിഖ് ഹൈദര്, പ്രൊജക്ട് ഡിസൈന് ബാദുഷ, മേക്കപ്പ് റോണക്സ് സേവ്യര്, വസ്ത്രാലങ്കാരം മഷാര് ഹംസ. പി ആര് ഒ- എ എസ് ദിനേശ്, മീഡിയ പ്രെമോഷന് സീതാലക്ഷ്മി, മാര്ക്കറ്റിങ് & മാര്ക്കറ്റിങ് പ്ലാന് ഒബ്സ്ക്യുറ, ഡിസൈന്- യെല്ലോ ടൂത്ത്.
https://www.facebook.com/plugins/post.php?href=https%3A%2F%2Fwww.facebook.com%2Fashiq.usman.5%2Fposts%2Fpfbid086ibWRgstRv9WcUMp44Y6VwKXTaAhxj8zUCPLPDtzuhPjNqPBGfd2Xuh39rXDeUZl&show_text=true&width=500
