റിസർവ് ബാങ്കും സെബിയും ഉചിതമായ നിലപാട് സ്വീകരിക്കും; അ​ദാ​നി​യു​ടെ എ​ഫ്പി​ഒ പി​ന്മാ​റ്റം ധ​ന​സ്ഥി​തി​യെ ബാ​ധി​ച്ചി​ട്ടി​ല്ലെ​ന്ന് ധനമന്ത്രി

ന്യൂ​ഡ​ൽ​ഹി: 20,000 കോ​ടി രൂ​പ​യു​ടെ മൂ​ല​ധ​ന സ​മാ​ഹ​ര​ണം ല​ക്ഷ്യ​മി​ട്ട ഫോ​ളോ​ഓ​ൺ പ​ബ്ലി​ക് ഓ​ഫ​ർ(​എ​ഫ്പി​ഒ) പി​ൻ​വ​ലി​ച്ച ‌അ​ദാ​നി ഗ്രൂ​പ്പി​ന്‍റെ ന​ട​പ​ടി രാ​ജ്യ​ത്തി​ന്‍റെ സാ​മ്പ​ത്തി​ക സ്ഥി​തി​യെ പ്ര​തി​കൂ​ല​മാ​യി ബാ​ധി​ച്ചി​ട്ടി​ല്ലെ​ന്ന് കേ​ന്ദ്ര ധ​ന​മ​ന്ത്രി നി​ർ​മ​ല സീ​താ​രാ​മ​ൻ. അനുവദനീയമായ പരിധിക്കുള്ളിൽ നിന്നാണ് അദാനിക്ക് എൽഐസിയും എസ്ബിഐയും വായ്പ നൽകിയതെന്ന് വ്യക്തമായെന്നും മന്ത്രി പറഞ്ഞു.

രാ​ജ്യ​ത്തി​ന്‍റെ സാ​മ്പ​ത്തി​ക​ഘ​ട​ന​യ്ക്കും പ്ര​തി​ച്ഛാ​യ​യ്ക്കും എ​ഫ്പി​ഒ പി​ന്മാ​റ്റം മൂ​ലം യാ​തൊ​രു കോ​ട്ട​വും ത​ട്ടി​യി​ട്ടി​ല്ലെ​ന്ന് സീ​താ​രാ​മ​ൻ അ​റി​യി​ച്ചു. എ​ഫ്പി​ഒ​ക​ൾ വ​രും വി​ദേ​ശ നി​ക്ഷേ​പ​ക​ർ പി​ന്മാ​റും ഇ​തെ​ല്ലാം സ്വാ​ഭാ​വി​ക​മാ​ണെ​ന്നും മ​ന്ത്രി പ​റ​ഞ്ഞു.

അ​ദാ​നി ഗ്രൂ​പ്പി​ന്‍റെ കാ​ര്യ​ങ്ങ​ൾ സെ​ബി​യ​ട​ക്ക​മു​ള്ള റെ​ഗു​ലേ​റ്റ​റി സ്ഥാ​പ​ന​ങ്ങ​ൾ കൃ​ത്യ​മാ​യി നി​രീ​ക്ഷി​ക്കു​മെ​ന്നും മ​ന്ത്രി അ​റി​യി​ച്ചു.

അദാനി പ്രതിസന്ധിക്കിടയിൽ കഴിഞ്ഞ രണ്ട് ദിവസത്തിനിടെ രാജ്യത്തിൻ്റെ വിദേശനാണ്യ കരുതൽ ശേഖരം എട്ട് ബില്യൺ വർദ്ധിച്ചതായി ധനമന്ത്രി നിർമല സീതാരാമൻ പറഞ്ഞു.
 
 
എഫ്പിഒ പിൻവലിക്കൽ സമ്പദ് വ്യവസ്ഥയിൽ ഒരു സ്വാധീനവും ചെലുത്തിയിട്ടില്ല. കൂടാതെ എത്ര തവണ രാജ്യത്ത് എഫ്പിഒകൾ പിൻവലിച്ചിട്ടുണ്ടെന്ന് ധനമന്ത്രി ചോദിച്ചു.ആർബിഐ അദാനിയുടെ തകർച്ചയെ കുറിച്ച് പ്രസ്താവന പുറത്തുവിട്ടിട്ടുണ്ട്. സെബി ഉൾപ്പടെയുള്ള നിയന്ത്രണ ഏജൻസികൾ പ്രവർത്തിക്കുന്നത് സ്വതന്ത്രമായാണ്. ഇതിൽ സർക്കാർ ഇടപെടില്ലെന്ന് നിർമല സീതാരാമൻ പറഞ്ഞു.

അദാനി ഗ്രൂപ്പിനുണ്ടായ സാമ്പത്തിക പ്രതിസന്ധി ചായക്കോപ്പയിലെ കൊടുങ്കാറ്റ് മാത്രമെന്ന് കേന്ദ്ര ധനകാര്യ സെക്രട്ടറി പറഞ്ഞു. വിഷയത്തിൽ കഴിഞ്ഞ ദിവസത്തെ നിലപാടിൽ ഉറച്ചു നിൽക്കുന്നതായി ധനകാര്യ മന്ത്രാലയ സെക്രട്ടറി  ടിവി സോമനാഥൻ പറഞ്ഞു.