കോ​വി​ഡ് അ​വ​സാ​നി​ച്ചി​ട്ടി​ല്ല; മരുന്നും വാക്സീനും ഉറപ്പാക്കണം: പ്രധാനമന്ത്രി

ന്യൂ​ഡ​ൽ​ഹി: ഒ​മി​ക്രോ​ൺ വൈ​റ​സി​ന്‍റെ പു​തി​യ വ​ക​ഭേ​ദം അ​ശ​ങ്ക സൃ​ഷ്ടി​ക്കു​ന്ന സാ​ഹ​ച​ര്യ​ത്തി​ൽ രാ​ജ്യ​ത്ത് ജാ​ഗ്ര​ത കൂ​ട്ട​ണ​മെ​ന്ന് നി​ർ​ദേ​ശം ന​ൽ​കി പ്ര​ധാ​ന​മ​ന്ത്രി ന​രേ​ന്ദ്ര മോ​ദി. കൂ​ടു​ത​ൽ ആ​ശു​പ​ത്രി​ക​ൾ സ​ജ്ജ​മാ​ക്കാ​ൻ ഇ​ന്ന് ചേ​ർ​ന്ന ഉ​ന്ന​ത​ത​ല യോ​ഗ​ത്തി​ൽ പ്ര​ധാ​ന​മ​ന്ത്രി നി​ർ​ദേ​ശം ന​ൽ​കി.

കോ​വി​ഡ് ഭീ​ഷ​ണി അ​വ​സാ​നി​ച്ചി​ട്ടി​ല്ലെ​ന്നും ഉ​ദ്യോ​ഗ​സ്ഥ​ർ നി​സം​ഗ​ത വെ​ടി​യ​ണ​മെ​ന്നും മോ​ദി പ​റ​ഞ്ഞു. കൂ​ടു​ത​ൽ വെ​ന്‍റി​ലേ​റ്റ​ർ, ഓ​ക്സി​ജ​ൻ പ്ലാ​ന്‍റു​ക​ൾ സ​ജ്ജ​മാ​ക്ക​ണ​മെ​ന്നും വി​മാ​ന​ത്താ​വ​ള​ങ്ങി​ല​ട​ക്കം കോ​വി​ഡ് പ​രി​ശോ​ധ​ന ശ​ക്ത​മാ​ക്ക​ണ​മെ​ന്നും അ​ദേ​ഹം അ​റി​യി​ച്ചു.
 
കോവിഡ് വ്യാപനത്തിൽ ജാഗ്രത പുലർത്തണം. മാസ്ക് ഉപയോഗിക്കണം. കോവിഡ് മാനദണ്ഡങ്ങൾ എല്ലാവരും പാലിക്കണം. പ്രായമായവരും മറ്റും കരുതൽ ഡോസ് എടുക്കണം. സംസ്ഥാനങ്ങൾ ചികിത്സാ സൗകര്യങ്ങൾ വർധിപ്പിക്കണം. വാക്സീനുകളും മരുന്നുകളും ആശുപത്രികളിൽ ഉറപ്പുവരുത്തണം. രാജ്യാന്തര വിമാനത്താവളങ്ങളിലെ നിരീക്ഷണം ശക്തമാക്കണമെന്നും പ്രധാനമന്ത്രി പറഞ്ഞു. എന്നാൽ, മാസ്ക് ധരിക്കുന്നത് നിർബന്ധമാക്കണമെന്ന് യോഗത്തിൽ തീരുമാനമെടുത്തില്ല. 

ചൈനയിൽ പടരുന്ന ബിഎഫ് 7 വകഭേദമാണ് ഗുജറാത്തിലും ഒഡിഷയിലും സ്ഥിരീകരിച്ചത്. ജൂലൈ, സെപ്റ്റംബർ, നവംബർ മാസങ്ങളിലായാണ് പുതിയ വകഭേദം സ്ഥിരീകരിച്ചത്. ഗുജറാത്തിലെ രോഗികൾ സുഖം പ്രാപിച്ചുവെന്ന് ഗുജറാത്ത് സർക്കാർ അറിയിച്ചു. നിലവിൽ രാജ്യത്ത് 10 കോവിഡ് വകഭേദങ്ങളാണുള്ളത്.