ചാ​ൾ​സ് ശോ​ഭ്‌​രാ​ജ് ജ​യി​ൽ മോ​ചി​ത​നാ​കു​ന്നു

കാ​ഠ്മ​ണ്ഡു: കു​പ്ര​സി​ദ്ധ കു​റ്റ​വാ​ളി ചാ​ൾ​സ് ശോ​ഭ്‌​രാ​ജി​നെ ജ​യി​ലി​ൽ നി​ന്ന് മോ​ചി​പ്പി​ക്കാ​ൻ ഉ​ത്ത​ര​വി​ട്ട് നേ​പ്പാ​ൾ സുപ്രീം കോടതി. പ്രാ​യാ​ധി​ക്യം മൂ​ല​മു​ള്ള പ്ര​ശ്ന​ങ്ങ​ൾ അ​ല​ട്ടു​ന്നു​വെ​ന്ന കാ​ര്യം പ​രി​ഗ​ണി​ച്ചാ​ണ് 21 വ​ർ​ഷ​ത്തെ ത​ട​വി​ന് വി​ധി​ക്ക​പ്പെ​ട്ട ശോ​ഭ്‌​രാ​ജി​നെ കോടതി മോ​ചി​പ്പി​ക്കു​ന്ന​ത്. മോ​ച​നം ല​ഭി​ച്ച് 15 ദി​വ​സ​ത്തി​നു​ള്ളി​ൽ ശോ​ഭ്‌​രാ​ജ് രാ​ജ്യം വി​ട​ണ​മെ​ന്ന് കോടതി അ​റി​യി​ച്ചു.

2003 മുതൽ നേപ്പാൾ ജയിലിലാണ് 78കാരനായ ശോഭ്‌രാജ്. ഇന്ത്യയിൽ 21 വർഷം ഇയാൾ ജയിൽ ശിക്ഷ അനുഭവിച്ചിട്ടുണ്ട്.

ഇന്ത്യൻ വിയറ്റ്‌നാമീസ് രക്ഷിതാക്കളുടെ മകനാണ് ഫ്രഞ്ചുകാരനായ ശോഭ്‌രാജ്. വ്യാജ പാസ്പോർട്ട് ഉപയോഗിച്ച് നേപ്പാളിലേക്ക് കടന്ന ഇയാൾ 1975ൽ യാത്രക്കാരായ യുഎസ് പൗരൻ കോണി ജോ ബോറോൻസിച്ചിനെയും (29) കാമുകി കാനഡക്കാരി ലോറന്റ് കാരിയറിനെയും (26) കൊലപ്പെടുത്തി. അതേവർഷം കഠ്മണ്ഡു, ഭക്തപുർ എന്നിവിടങ്ങളിലെ ദമ്പതികളെയും അതിക്രൂരമായി കൊന്നൊടുക്കി. 2003 സെപ്റ്റംബർ ഒന്നിനാണ് ഇയാൾ പൊലീസ് പിടിയിലാകുന്നത്.

ദമ്പതികളുടെ കൊലപാതകത്തില്‍ 21 വർഷം, യുഎസ് പൗരനെ കൊലപ്പെടുത്തിയതിന് 20 വർഷം, വ്യാജ പാസ്‌പോർട്ട് ഉപയോഗിച്ചതിന് ഒരു വർഷം, എന്നിങ്ങനെ ശിക്ഷ അനുഭവിച്ചുവരികയായിരുന്നു. കഠ്മണ്ഡു സെൻട്രൽ ജയിലിലാണ് ശോഭ്‌രാജുള്ളത്.