അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഷറഫുദ്ദീന്‍ നായകനായി എത്തുന്ന ചിത്രം ആനന്ദം പരമാനന്ദത്തിലെ വീഡിയോ ഗാനം അണിയറ പ്രവര്‍ത്തകര്‍ പുറത്തുവിട്ടു. എന്തിനെന്റെ നെഞ്ചിനുള്ളിലേ എന്നാരംഭിക്കുന്ന ഗാനത്തിന് വരികള്‍ എഴുതിയിരിക്കുന്നത് മനു മഞ്ജിത്ത് ആണ്. ഷാന്‍ റഹ്‌മാന്‍ സംഗീതം പകര്‍ന്നിരിക്കുന്ന ഗാനം ആലപിച്ചിരിക്കുന്നത് കെ എസ് ഹരിശങ്കറും മീനാക്ഷി അനൂപും ചേര്‍ന്നാണ്.
അതേസമയം, ഫാമിലി എന്റര്‍ടെയ്നര്‍ ആയി ഒരുക്കിയിരിക്കുന്ന സിനിമ നര്‍മ്മത്തിന് പ്രാധാന്യം നല്‍ക്കുന്നു. ചിത്രത്തില്‍ ഇന്ദ്രന്‍സ്, അജു വര്‍ഗീസ്, ബൈജു തുടങ്ങിയവര്‍ കേന്ദ്ര കഥാപാത്രങ്ങളായി എത്തുന്നു. ഷാഫി സംവിധാനം ചെയ്യുന്ന ചിത്രം ഡിസംബര്‍ 23ന് തീയറ്ററുകളിലെത്തും. എം സിന്ധുരാജിന്റെ തിരക്കഥയില്‍ ഒരുങ്ങുന്ന സിനിമയുടെ ഷൂട്ടിങ് പാലക്കാട് ജില്ലയിലെ കൊല്ലങ്കോടും പരിസരങ്ങളിലുമായിട്ടാണ് പൂര്‍ത്തിയായിരിക്കുന്നത്. തിങ്കളാഴ്ച്ച നിശ്ചയം’ ഫെയിം അനഘ നാരായണന്‍ ആണ് ചിത്രത്തില്‍ നായികയായി എത്തുന്നത്. ഷാന്‍ റഹ്‌മാന്‍ ആണ് സംഗീത സംവിധായകന്‍.
സപ്തത രംഗ് ക്രിയേഷന്‍സിന്റെ ബാനറില്‍ ഒപി ഉണ്ണികൃഷ്ണന്‍, സന്തോഷ് വള്ളക്കാലില്‍, ജയഗോപാല്‍, പി എസ് പ്രേമാനന്ദന്‍, കെ.മധു എന്നിവരാണ് ചിത്രം നിര്‍മ്മിക്കുന്നത്. മനോജ് പിള്ള ഛായാഗ്രഹണം നിര്‍വഹിക്കുന്നു.വി സാജന്‍ ചിത്രസംയോജനവും നിര്‍വ്വഹിക്കുന്നു. കലാസംവിധാനം -അര്‍ക്കന്‍, മേക്കപ്പ്. പട്ടണം റഷീദ്. ചീഫ് അസ്സോസ്സിയേറ്റ് ഡയറക്ടര്‍ – റിയാസ്. അസ്സോസ്സിയേറ്റ് ഡയറക്ടര്‍ രാജീവ് ഷെട്ടി. പ്രൊഡക്ഷന്‍ മാനേജേഴ്സ്- ശരത്, അന്ന, പ്രൊഡക്ഷന്‍ എക്സിക്യൂട്ടീവ്: ബാബുരാജ് മനിശ്ശേരി. പ്രൊഡക്ഷന്‍ കണ്‍ട്രോളര്‍ ഡിക്സന്‍ പൊടുത്താസ്. ഫോട്ടോ ഹരി തിരുമല.
