അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഗുജറാത്തില്‍ ബിജെപി നിയമസഭാ കക്ഷി യോഗം ഇന്ന്. നിമന്ത്രിസഭാ രൂപീകരണമടക്കമുള്ള ചര്‍ച്ചകളും ഇന്ന് ഗാന്ധിനഗറില്‍ നടക്കും.രാജ്‌നാഥ് സിംഗ് അടക്കമുള്ള നിരീക്ഷകരുടെ സാന്നിധ്യത്തില്‍ രാവിലെ 10.30ന് ഗാന്ധിനഗറിലെ ബിജെപി സംസ്ഥാന കാര്യാലയമായ ശ്രീകമലത്തിലാണ് യോഗം ചേരുക.
കേന്ദ്ര നിരീക്ഷകരായ രാജ്‌നാഥ് സിംഗ്, ബി.എസ്. യെദ്യൂരപ്പ, അര്‍ജ്ജുന്‍ മുണ്ട തുടങ്ങിയവരുടെ സാന്നിദ്ധ്യത്തില്‍ എംഎല്‍എമാര്‍ ചേര്‍ന്ന് നിയമസഭ കക്ഷി നേതാവായി ഭൂപേന്ദ്രഭായ് പട്ടേലിനെ തെരഞ്ഞെടുക്കും.
ഹര്‍ഷ് സാംഗ്വി ഉപമുഖ്യമന്ത്രിയാകുമെന്ന് വിലയിരുത്തലുകൾ. സംസ്ഥാനത്ത് തലമുറ മാറ്റം ലക്ഷ്യമിട്ട് ഭാവിയില്‍ ബിജെപി നീങ്ങുമെങ്കില്‍ മുഖ്യമന്ത്രി സ്ഥാനത്തേക്ക് പരിഗണിക്കപ്പെടുന്ന പേരുകളില്‍ മുന്‍പന്തിയിലാണ് മജൂരയില്‍ നിന്നുള്ള ഈ നിയമസഭാംഗം. പാര്‍ട്ടി നിയമസഭാസാമാജികരിലെ യുവപ്രാധിനിത്യം കണക്കിലെടുത്ത് മന്ത്രിസഭയിലേക്ക് പുതുമുഖങ്ങളെയും പരിഗണിക്കുന്നുണ്ട്.
