അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ജയ്പൂര്‍ : വിവാഹ ആഘോഷത്തിനിടെ ഗ്യാസ് പൊട്ടിത്തെറിച്ചുണ്ടായ അപകടത്തില്‍ അഞ്ചുപേര്‍ മരിച്ചു. 49 പേര്‍ക്ക് പൊള്ളലേറ്റു. രാജസ്ഥാനിലെ ജോധ്പൂരിലാണ് ദാരുണമായ സംഭവം നടന്നത്. വിവാഹ ആഘോഷവുമായി ബന്ധപ്പെട്ട് സദ്യ തയ്യാറാക്കുന്നതിനിടെ ഗ്യാസ് പൊട്ടിത്തെറിക്കുകയായിരുന്നു. ഗ്യാസ് സിലിണ്ടര്‍ ചോര്‍ന്നതാണ് അപകടത്തിന് കാരണമായത്. പന്ത്രണ്ടോളം പേരുടെ പൊള്ളല്‍ ഗുരുതരമാണ്.
അതേസമയം, അപകടത്തില്‍ പൊള്ളലേറ്റവരെ എംജിഎച്ച് ആശുപത്രിയില്‍ പ്രവേശിപ്പിച്ചുവെന്ന് ജില്ലാ കളക്ടര്‍ ഹിമാന്‍ഷു ഗുപ്ത പറഞ്ഞതായി എഎന്‍ഐ റിപ്പോര്‍ട്ട് ചെയ്തു. രാജസ്ഥാന്‍ മുഖ്യമന്ത്രി അശോക് ഗെഹ്ലോട്ട് പരിക്കേറ്റവരെ ഇന്ന് ആശുപത്രിയിലെത്തി സന്ദര്‍ശിച്ചേക്കും.
