അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഇസ്ലാമാബാദ്: കടുത്ത സാമ്പത്തിക പ്രതിസന്ധിക്കിടയില്‍ 100 കോടി ഡോളർ അന്താരാഷ്ട്ര അന്താരാഷ്ട്ര കടം തിരിച്ചടച്ചുവെന്ന അവകാശവാദവുമായി പാകിസ്ഥാന്‍ രംഗത്ത്. പാക് സെൻട്രൽ ബാങ്ക് വക്താവ് വെള്ളിയാഴ്ചയാണ് ഈ കാര്യം വെളിപ്പെടുത്തിയത്.
സിറ്റി ബാങ്ക് ന്യൂയോർക്കിലേക്കാണ് പണം നൽകിയതെന്ന് സ്റ്റേറ്റ് ബാങ്ക് ഓഫ് പാകിസ്ഥാൻ (എസ്ബിപി) വക്താവ് റോയിട്ടേഴ്സിനോട് പറഞ്ഞു.
ഡിസംബർ 5-ന് കാലാവധി പൂർത്തിയാകുന്ന ബോണ്ടില്‍ എടുത്ത പണത്തില്‍ തിരിച്ചടവ് മൊത്തം 108 കോടി ഡോളറാണ് നടത്തേണ്ടത് എന്നാണ് സെൻട്രൽ ബാങ്ക് മേധാവി കഴിഞ്ഞ ആഴ്ച വെളിപ്പെടുത്തിയിരുന്നു. നവംബർ 25ന് അവസാനിച്ച ആഴ്ചയിൽ എസ്ബിപി കരുതൽ ശേഖരം 7,498.7 മില്യൺ ഡോളറാണ്. അതിനുശേഷം ഏഷ്യൻ ഇൻഫ്രാസ്ട്രക്ചർ ഇൻവെസ്റ്റ്‌മെന്റ് ബാങ്കിൽ നിന്ന് 500 മില്യൺ ഡോളർ ഇവര്‍ക്ക് ലഭിച്ചിട്ടുണ്ട്.
1,700 പേരുടെ മരണത്തിനിടയാക്കിയ വിനാശകരമായ വെള്ളപ്പൊക്കത്തിന്റെ വീഴ്ച, കുറഞ്ഞ വിദേശനാണ്യ കരുതൽ ശേഖരം, പതിറ്റാണ്ടുകളായി ഉയർന്ന പണപ്പെരുപ്പം എന്നിങ്ങനെ സമീപ കാല പ്രതിസന്ധികള്‍ കാരണം കടുത്ത സാമ്പത്തിക പ്രതിസന്ധിയിലായിരുന്നു പാകിസ്ഥാന്‍.
