അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
തിരുവനന്തപുരം: കോവളത്ത് വിദേശ വനിതയെ പീഡിപ്പിച്ചു കൊലപ്പെടുത്തിയ കേസില് വിധി ഇന്ന് പറയും. തിരുവനന്തപുരം ജില്ലാ സെഷന്സ് കോടതിയാണ് വിധി പറയുക. പ്രതികളായ ഉമേഷിനും ഉദയിനും വധശിക്ഷ നല്കണമെന്ന് പ്രോസിക്യൂഷന് ആവശ്യപ്പെട്ടിരുന്നു.
പോത്തന്കോട്ടെ ആയൂര്വേദ കേന്ദ്രത്തില് സഹോദരിക്കൊപ്പം ചികിത്സക്കെത്തിയ നാല്പ്പതുകാരിയായ ലാത്വിയന് യുവതിയാണ് ദുരൂഹ സാഹചര്യത്തില് കൊല്ലപ്പെട്ടത്. 2018 മാര്ച്ച് 14ന് കാണാതായ യുവതിയുടെ മൃതദേഹം ഏപ്രില് 20ന് കണ്ടെത്തുകയായിരുന്നു. കോവളത്തെത്തിയ യുവതിയെ പ്രതികളായ ഉമേഷും ഉദയനും ചേര്ന്ന് ടൂറിസ്റ്റ് ഗെഡെന്ന വ്യാജേനെ കണ്ടല് കാട്ടിലെത്തിച്ച് ലഹരിമരുന്ന് നല്കി പീഡിപ്പിച്ച ശേഷം കഴുത്ത് ഞെരിച്ച് കൊന്നുവെന്ന് പീന്നീട് പൊലീസ് കണ്ടെത്തി. കേസില് 18 സാഹചര്യത്തെളിവുകളും 30 സാക്ഷിമൊഴികളുമാണ് പ്രോസിക്യൂഷന് കോടതിയില് ഹാജരാക്കിയത്.
