‘ഹി​ന്ദി കോ​മാ​ളി​ക​ളു​ടെ ഭാ​ഷ, അ​ടി​ച്ചേ​ൽ​പ്പി​ക്കാന്‍ നോക്കേണ്ട’; സേലത്ത് വ​യോ​ധി​ക​ൻ തീ ​കൊ​ളു​ത്തി ആത്മഹത്യ ചെയ്തു

ചെ​ന്നൈ: കേ​ന്ദ്ര സ​ർ​ക്കാ​ർ ഹി​ന്ദി അ​ടി​ച്ചേ​ൽ​പ്പി​ക്കു​ന്ന​തി​ൽ പ്ര​തി​ഷേ​ധി​ച്ച് ത​മി​ഴ്നാ​ട്ടി​ൽ വ​യോ​ധി​ക​ൻ തീ ​കൊ​ളു​ത്തി ആത്മഹത്യ ചെയ്തു. ‌ഡിഎംകെ പ്രവർത്തകൻ കൂടിയായ സേ​ലം സ്വ​ദേ​ശി ത​ങ്ക​വേ​ൽ ആ​ണ് ജീ​വ​നൊ​ടു​ക്കി​യ​ത്.

ശനിയാഴ്ച രാത്രി 11 മണിയോടെയാണ് സംഭവം. ഡിഎംകെയുടെ തലയൂർ ഓഫീസിന് പുറത്ത് തങ്കവേൽ പെട്രോൾ ഒഴിച്ച് തീ കൊളുത്തുകയായിരുന്നു. ഡി​എം​കെ ക​ർ​ഷ​ക സം​ഘ​ത്തി​ന്‍റെ മു​ൻ നേ​താ​വാ​യി​രു​ന്ന ത​ങ്ക​വേ​ൽ, ബാ​ന​റു​മാ​യാ​ണ് പാ​ർ​ട്ടി ഓ​ഫീ​സി​ലേ​ക്ക് എ​ത്തി​യ​ത്. സംഭവസ്ഥലത്ത് വെച്ച് തന്നെ ഇയാള്‍ മരിച്ചു. ഇയാളുടെ നിലവിളി കേട്ട് നാട്ടുകാർ ഓടിക്കൂടിയെങ്കിലും ഒന്നും ചെയ്യാൻ കഴിഞ്ഞില്ല. വിവരമറിഞ്ഞ് മേട്ടൂർ പോലീസ് സ്ഥലത്തെത്തി മൃതദേഹം പോസ്റ്റ്‌മോർട്ടത്തിനായി മേട്ടൂർ സർക്കാർ ആശുപത്രിയിലേക്ക് മാറ്റി.
 
ഹി​ന്ദി ഒ​ഴി​വാ​ക്കൂ എ​ന്ന് ബാ​ന​റി​ൽ എ​ഴു​തി​യി​രു​ന്നു. “മോ​ദി സ​ർ​ക്കാ​ർ, കേ​ന്ദ്ര​സ​ർ​ക്കാ​ർ, ഞ​ങ്ങ​ൾ​ക്ക് ഹി​ന്ദി വേ​ണ്ട. ഞ​ങ്ങ​ളു​ടെ മാ​തൃ​ഭാ​ഷ ത​മി​ഴും ഹി​ന്ദി കോ​മാ​ളി​ക​ളു​ടെ ഭാ​ഷ​യു​മാ​ണ്. ഹി​ന്ദി ഭാ​ഷ അ​ടി​ച്ചേ​ൽ​പ്പി​ക്കു​ന്ന​ത് വി​ദ്യാ​ർ​ഥി​ക​ളെ ബാ​ധി​ക്കും. ഹി​ന്ദി ഒ​ഴി​വാ​ക്കൂ, ഹി​ന്ദി ഒ​ഴി​വാ​ക്കൂ, ഹി​ന്ദി ഒ​ഴി​വാ​ക്കൂ’ ബാ​ന​റി​ൽ ത​ങ്ക​വേ​ൽ എ​ഴു​തി.
  
ബിജെപി നേതൃത്വത്തിലുള്ള കേന്ദ്ര സർക്കാരിനെതിരെ പാർട്ടി പ്രതിഷേധിക്കുമെന്ന് തമിഴ്‌നാട് ഭരണകക്ഷിയായ ഡിഎംകെയുടെ യുവജന വിഭാഗം സെക്രട്ടറിയും മുഖ്യമന്ത്രി എംകെ സ്റ്റാലിന്റെ മകനുമായ ഉദയനിധി സ്റ്റാലിൻ മുന്നറിയിപ്പ് നൽകിയതായി മാധ്യമങ്ങൾ റിപ്പോർട്ട് ചെയ്യുന്നു. സംസ്ഥാനത്ത് ഹിന്ദി അടിച്ചേൽപ്പിച്ചാൽ അതിനെതിരെ പ്രക്ഷോഭം നടത്തുമെന്നും അദ്ദേഹം പറഞ്ഞു. ഹിന്ദി ഭാഷ നടപ്പാക്കാനുള്ള കേന്ദ്രസർക്കാർ പദ്ധതിക്കെതിരെ ഡിഎംകെ നേരത്തെയും പ്രതിഷേധിച്ചിരുന്നു.