ന​ര​ബ​ലി: കൊല്ലപ്പെട്ട പത്മയുടെ സ്വർണ്ണം പണയം വെച്ചിരുന്ന നിലയിൽ കണ്ടെത്തി

പ​ത്ത​നം​തി​ട്ട: ഇ​ല​ന്തൂ​രി​ലെ ന​ര​ബ​ലി​ക്ക് ഇ​ര​യാ​യി കൊ​ല്ല​പ്പെ​ട്ട പ​ത്മ​യു​ടെ സ്വ​ർ​ണം ക​ണ്ടെ​ത്തി. ഒ​ന്നാം​പ്ര​തി ഷാ​ഫി വീ​ടി​ന​ടു​ത്തു​ള്ള സ്വ​കാ​ര്യ ധ​ന​കാ​ര്യ​സ്ഥാ​പ​ന​ത്തി​ൽ പ​ണ​യം​വ​ച്ചി​രു​ന്ന സ്വ​ർ​ണ​മാ​ണ് പോ​ലീ​സ് ക​ണ്ടെ​ടു​ത്ത​ത്. നാ​ല​ര പാ​വ​നോ​ളം സ്വ​ർ​ണ​മാ​ണ് പ​ണ​യംവ​ച്ച​ത്.

അതേസമയം ന​ര​ബ​ലി കേ​സി​ലെ മൂ​ന്ന് പ്ര​തി​ക​ളേ​യും 12 ദി​വ​സ​ത്തെ ക​സ്റ്റ​ഡി​യി​ൽ വി​ട്ടു. ഈ ​മാ​സം 24 വ​രെ​യാ​ണ് പ്ര​തി​ക​ളെ ക​സ്റ്റ​ഡി​യി​ൽ വി​ട്ടി​രി​ക്കു​ന്ന​ത്. എ​റ​ണാ​കു​ളം ജു​ഡീ​ഷൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി​യു​ടേ​താ​ണ് ന​ട​പ​ടി.

ഒ​ന്നാം പ്ര​തി മു​ഹ​മ്മ​ദ് ഷാ​ഫി, ര​ണ്ടാം പ്ര​തി ഭ​ഗ​വ​ൽ സിം​ഗ്, മൂ​ന്നാം പ്ര​തി ലൈ​ല എ​ന്നി​വ​രെ ചോ​ദ്യം ചെ​യ്യ​ലിനും തെ​ളി​വെ​ടു​പ്പി​നു​മാ​യി 12 ദി​വ​സം ക​സ്റ്റ​ഡി​യി​ൽ വേ​ണ​മെ​ന്ന പോ​ലീ​സി​ന്‍റെ ആ​വ​ശ്യം കോ​ട​തി പൂ​ർ​ണ​മാ​യും അം​ഗീ​ക​രി​ക്കു​ക​യാ​യി​രു​ന്നു. പ്ര​തി​ക​ളെ പു​റ​ത്തേ​ക്കി​റ​ക്കു​മ്പോ​ൾ മു​ഖം മ​റ​ച്ചി​രി​ക്ക​ണ​മെ​ന്നും കോ​ട​തി ഉ​ത്ത​ര​വി​ട്ടി​ട്ടു​ണ്ട്.
  

22 പോയിന്റുകളാണ് കസ്റ്റഡി അപേക്ഷയിലുണ്ടായിരുന്നത്. നരബലിയെ കൂടാതെ പ്രതികൾക്ക് മറ്റേതെങ്കിലും ഉദ്യേശമുണ്ടായിരുന്നോ എന്ന് അന്വേഷിക്കണമെന്ന് ഉൾപ്പെടെ കസ്റ്റഡി അപേക്ഷയിലുണ്ട്. കൂടുതൽ ആൾക്കാരെപത്തനംതിട്ടയിൽ എത്തിച്ചുവെന്ന വിവരത്തിൽ അന്വേഷണം നടത്തണം.മുഹമ്മദ് ഷാഫിയുടെ ഫേസ് ബുക്ക് ഉപയോഗത്തിൽ വ്യാപകമായ അന്വേഷണം വേണം. ഫൊറൻസിക് പരിശോധയ്ക്ക് പ്രതിയുടെ സാന്നിധ്യം അനിവാര്യമെന്നും കസ്റ്റഡി അപേക്ഷയിൽ പറഞ്ഞിരുന്നു. ഈ ആവശ്യങ്ങൾ അംഗീകരിക്കപ്പെട്ടു.

 
പ്രതികളെ കുറ്റസമ്മതം നടത്താൻ പൊലീസ് നിർബന്ധിക്കുന്നതായി പ്രതിഭാഗം വാദിച്ചിരുന്നു. മൂന്ന് ദിവസം പ്രതികൾ പൊലീസ് കസ്റ്റഡിയിലായിരുന്നെന്ന് പ്രതികൾക്കുവേണ്ടി ഹാജരായ അഡ്വ ആളൂർ കോടതിയിൽ പറഞ്ഞു. പത്മയെ ഷാഫി കൊണ്ടുപോയതല്ല പത്മ കൂടെപ്പോയതാണെന്ന് ഉൾപ്പെടെയുള്ള വാദങ്ങളാണ് പ്രതിഭാഗം കോടതിയിൽ ഉന്നയിച്ചത്.

പ്രതികൾക്കെതിരായ ആരോപണങ്ങൾ ഗുരുതരമാണെന്നതിൽ സംശയമില്ലെന്ന് പ്രതിഭാഗം പറഞ്ഞു. മനുഷ്യ മാസം ഭക്ഷിച്ചു എന്നുൾപ്പെടെ സമ്മതിക്കണമെന്ന് പൊലീസ് പ്രതികളെ നിർബന്ധിച്ചു. ഒരു പ്രതിയെ മാപ്പുസാക്ഷിയാക്കാമെന്ന് പറഞ്ഞു. പൊലീസ് പറയുന്ന കാരണങ്ങളിൽ കസ്റ്റഡി ആവശ്യമില്ലെന്നും പ്രതിഭാഗം വാദിച്ചു.