അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
റായ്പൂർ: ഛത്തീസ്ഗഡിലെ ബിജാപൂരിൽ കോൺഗ്രസ് ബ്ലോക്ക് ജനറൽ സെക്രട്ടറി തെലങ്കാനയിൽ രണ്ട് സ്ത്രീകളുൾപ്പെടെ നാല് മാവോയിസ്റ്റുകളോടൊപ്പം പിടിയിലായ സംഭവത്തിൽ ഉന്നതതല അന്വേഷണം വേണമെന്ന് ബിജെപി. ഛത്തീസ്ഗഡ് കോൺഗ്രസിന്റെ ഭോപ്പാൽപട്ടണം ബ്ലോക്ക് ജനറൽ സെക്രട്ടറി കെ ജി സത്യനാണ് അറസ്റ്റിലായത്.
സംഭവത്തിൽ ആശങ്കയുണ്ടെന്നും ബിജെപി സംസ്ഥാന അധ്യക്ഷൻ അരുൺ സാവോ കേന്ദ്ര ആഭ്യന്തര മന്ത്രി അമിത് ഷായ്ക്ക് കത്തിൽ പറഞ്ഞു. എന്നാൽ പിടിയിലായ സത്യനുമായി പാർട്ടിക്ക് ബന്ധമില്ലെന്ന് കോൺഗ്രസ് വ്യക്തമാക്കി. നാല് ദിവസം മുമ്പാണ് സത്യത്തെ കാണാനില്ലെന്ന് കുടുംബം പൊലീസിൽ പരാതി നൽകിയതെന്ന് കോൺഗ്രസ് സംസ്ഥാന വക്താവ് ധനഞ്ജയ് സിംഗ് താക്കൂർ പറഞ്ഞു.
മാവോയിസ്റ്റുകൾ അദ്ദേഹത്തെയും കാറും തട്ടിയെടുത്ത് ഒരു പ്രവർത്തകനെ തെലങ്കാനയിലേക്ക് ചികിത്സയ്ക്കായി കൊണ്ടുപോകുകയായിരുന്നുവെന്നും താക്കൂർ പറഞ്ഞു.
അതേസമയം, നക്‌സലൈറ്റുകളുടെയും കോൺഗ്രസിന്റെയും ബന്ധത്തെക്കുറിച്ച് കേന്ദ്രം അന്വേഷിക്കണമെന്നും ബിജെപി ആവശ്യപ്പെട്ടു.
