അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ജമ്മുകശ്മീരിലെ പഹാരികള്ക്കുള്ള സംവരണത്തെ പ്രധാനമന്ത്രി നരേന്ദ്ര മോദി അനുകൂലിക്കുന്നുവെന്നും അടുത്തുതന്നെ ക്വാട്ട നടപ്പാക്കുമെന്നും കേന്ദ്ര ആഭ്യന്തര മന്ത്രി അമിത് ഷാ. ‘ജസ്റ്റിസ് ശര്മ്മ പഹാരികള്ക്ക് പട്ടികവര്ഗ്ഗ പദവി ശുപാര്ശ ചെയ്തു. പ്രധാനമന്ത്രി മോദി ശുപാര്ശകള് നടപ്പിലാക്കാന് പോകുന്നു’ എന്ന് ജമ്മു കശ്മീരിലെ രജൗരിയില് മെഗാ റാലിയെ അഭിസംബോധന ചെയ്ത് അദ്ദേഹം പറഞ്ഞു.
സംവരണം ലഭിക്കാത്തതിനാല് പഹാരികളും ഗുജ്ജറുകളും ബക്കര്വാളുകളും നേരത്തെ വിവേചനം നേരിട്ടിരുന്നുവെന്നു. പഹാരികള്ക്കുള്ള സംവരണം നല്കുന്നതിലൂടെ ജമ്മു കശ്മീരില് സംവരണവിഭാഗമായി അംഗീകരിക്കപ്പെട്ട ഗുജ്ജാര്, ബക്കര്വാള് തുടങ്ങിയ പിന്നാക്ക സമുദായങ്ങളെ പ്രതികൂലമായി ബാധിക്കുമെന്ന ആശങ്ക വേണ്ടെന്നും അദ്ദേഹം പറയുന്നു. ഭീകരതയ്ക്കെതിരെ നിലയുറപ്പിച്ച പഹാരികള്, ഗുജ്ജറുകള്, ബക്കര്വാളുകള് എന്നീ വിഭാഗക്കാരോട് നന്ദി പ്രകടിപ്പിക്കുന്നു
‘മോദി സര്ക്കാര് ആര്ട്ടിക്കിള് 370 ഉം 35 എയും നീക്കം ചെയ്തു. ഞങ്ങള് ആര്ട്ടിക്കിള് 370 ഉം 35 എയും റദ്ദാക്കിയില്ലെങ്കില് എസ്ടി വിഭാഗങ്ങള്ക്ക് രാഷ്ട്രീയ സംവരണം ലഭിക്കുമായിരുന്നോ? ഇപ്പോള് പഹാരികള്ക്കും മറ്റ് സമുദായങ്ങള്ക്കും അവരുടെ അവകാശങ്ങള് ലഭിക്കും, ആര്ട്ടിക്കിള് 370, 35 എ എന്നിവ റദ്ദാക്കിയത് ജനാധിപത്യത്തെ താഴെത്തട്ടില് എത്തിക്കുക മാത്രമല്ല, കലാപത്തെ തടയാനും താഴ്വരയിലെ തീവ്രവാദത്തെ അടിച്ചമര്ത്താനും സഹായിച്ചു’വെന്നും ഷാ അവകാശപ്പെട്ടു.ജമ്മു കശ്മീരില് ഭീകരാക്രമണങ്ങള് കുറഞ്ഞു. തീവ്രവാദികള്ക്കും ഹുറിയത്തിനെപ്പോലുള്ള വിഘടനവാദികള്ക്കും എതിരെ മോദി സര്ക്കാര് ശക്തമായ നയമാണ് പിന്തുടരുന്നത്. ഭീകരര്ക്കെതിരായ കേന്ദ്രത്തിന്റെ ശക്തമായ നടപടി മൂലം സുരക്ഷാ ഉദ്യോഗസ്ഥരുടെ മരണം പ്രതിവര്ഷം 1,200 ആയിരുന്നത് ഈ വര്ഷം 136 ആയി കുറഞ്ഞതായും അദ്ദേഹം പറഞ്ഞു.
