അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: മല്ലികാര്ജ്ജുന് ഖാര്ഗെ കോൺഗ്രസ് അദ്യക്ഷ സ്ഥാനത്തേക്ക് വരട്ടെയെന്ന് മുന് മുഖ്യമന്ത്രി ഉമ്മന് ചാണ്ടി. പ്രതിസന്ധി നിറഞ്ഞ ഇന്നത്തെ കാലഘട്ടത്തില് കോണ്ഗ്രസ്സിനെ നയിക്കാന് അനുഭവസമ്പത്തും പ്രാപ്തിയുമുള്ള ഏറ്റവും മുതിര്ന്ന നേതാക്കളില് പ്രമുഖനാണ് മല്ലികാര്ജ്ജുന് ഖാര്ഗെയെന്നു മുഖ്യമന്ത്രി ഉമ്മന് ചാണ്ടി പറഞ്ഞു. ആരോഗ്യകരമായ മത്സരം പാര്ട്ടിക്ക് കൂടുതല് കരുത്ത് പകരുക തന്നെ ചെയ്യുമെന്നും ഉമ്മന് ചാണ്ടി പറഞ്ഞു
ലോക്സഭയിലെയും രാജ്യസഭയിലെയും പ്രതിപക്ഷ നേതാവെന്ന നിലയിലും കേന്ദ്രത്തിലും കര്ണാടകയിലും മന്ത്രിയായും സംഘടനാ പ്രവര്ത്തന രംഗത്തും മികവ് തെളിയിച്ച അദ്ദേഹം എല്ലാവരേയും യോജിപ്പിച്ചും ഐക്യത്തോടെയും കോണ്ഗ്രസ്സിനെ നയിക്കാന് പ്രാപ്തിയുള്ള നേതാവാണ് അദ്ദേഹമെന്ന് ഉമ്മൻ ചാണ്ടി പറഞ്ഞു.
പ്രതിപക്ഷ പാര്ട്ടികളുടെ ഐക്യത്തിനും കൂട്ടായ്മക്കും ശ്രദ്ധേയമായ നേതൃത്വം നല്കാന് അദ്ദേഹത്തിന് കഴിഞ്ഞിട്ടുണ്ട്. കോണ്ഗ്രസ് പ്രസിഡന്റ് തെരഞ്ഞെടുപ്പില് മത്സരം നടക്കുന്നുവെന്നത് കോണ്ഗ്രസിന്റെ ഉന്നതമായ ജനാധിപത്യ പാരമ്പര്യമാണ് വിളിച്ചറിയിക്കുന്നത് – ഉമ്മന് ചാണ്ടി പറഞ്ഞു
