പാ​ക്കി​സ്ഥാ​നി​ലേ​ക്ക് അ​ബ​ദ്ധ​ത്തി​ൽ മി​സൈ​ൽ തൊ​ടു​ത്ത സം​ഭ​വം; മൂന്ന് വ്യോമസേനാ ഉദ്യോഗസ്ഥരെ പിരിച്ചുവിട്ടു

ന്യൂ​ഡ​ൽ​ഹി: ഇ​ന്ത്യ​യു​ടെ മി​സൈ​ൽ അ​ബ​ദ്ധ​ത്തി​ൽ പാ​ക്കി​സ്ഥാ​നി​ൽ പ​തി​ച്ച സം​ഭ​വ​ത്തി​ൽ മൂ​ന്ന് ഉ​ദ്യോ​ഗ​സ്ഥ​ർ​ക്കെ​തി​രേ ന​ട​പ​ടി. സം​ഭ​വ​ത്തി​ൽ ഉ​ത്ത​ര​വാ​ദി​ക​ളെ​ന്ന് ക​ണ്ടെ​ത്തി​യ മൂ​ന്ന് വ്യോ​മ​സേ​ന ഉ​ദ്യോ​ഗ​സ്ഥ​രെ സ​ർ​വീ​സി​ൽ നി​ന്നും പി​രി​ച്ചു​വി​ട്ടു. 

ഒ​രു ഗ്രൂ​പ്പ് ക്യാ​പ്റ്റ​നും ര​ണ്ട് വിംഗ് ക​മാ​ൻ​ഡ​ർ​മാ​ർ​ക്കു​മെ​തി​രാ​യാ​ണ് ന​ട​പ​ടി. കേന്ദ്രസര്‍ക്കാരാണ് ഇക്കാര്യം അറിയിച്ചത്.

കഴിഞ്ഞ മാര്‍ച്ച് 9 ന് ആയിരുന്നു ബ്രഹ്‌മോസ് മിസൈലുകള്‍ ഉദ്യോഗസ്ഥര്‍ അബദ്ധത്തില്‍ പാകിസ്താന്‍ ഭാഗത്തേക്ക് തൊടുത്തുവിട്ടത്. സംഭവത്തില്‍ അന്വേഷണം നടന്നുകൊണ്ടിരിക്കുകയായിരുന്നു. ഇതിലാണ് മൂന്ന് ഉദ്യോഗസ്ഥരുടെ വീഴ്ച കണ്ടെത്തിയതും നടപടിയെടുത്തതും. ഉദ്യോഗസ്ഥരെ പിരിച്ച് വിട്ടുകൊണ്ടുള്ള ഉത്തരവ് ചൊവ്വാഴ്ച ഇവര്‍ക്ക് കൈമാറിയിട്ടുണ്ടെന്നും സര്‍ക്കാര്‍ അറിയിച്ചു.

രാ​ജ​സ്ഥാ​നി​ലെ സി​ർ​സ​യി​ൽ നി​ന്ന് പ​റ​ന്നു​യ​ർ​ന്ന് മി​സൈ​ൽ പാ​ക് അ​തി​ർ​ത്തി​യി​ൽ നി​ന്ന് 124 കി​ലോ​മീ​റ്റ​ർ അ​ക​ലെ ഖ​നേ​വാ​ൾ ജി​ല്ല​യി​ലെ മി​യാ​ൻ ച​ന്നു​വി​നു സ​മീ​പ​മാ​ണ് പ​തി​ച്ച​ത്. സ്ഫോ​ട​ക​വ​സ്തു ഘ​ടി​പ്പി​ക്കാ​ത്ത മി​സൈ​ലാ​ണ് വി​ക്ഷേ​പി​ക്ക​പ്പെ​ട്ട​ത്. അ​തു​കൊ​ണ്ട് വ​ലി​യ അ​പ​ക​ടം ഒ​ഴി​വാ​യി.
 
സംഭവത്തില്‍ ഇസ്‌ലാമാബാദിലെ ഇന്ത്യന്‍ സ്ഥാനപതിയെ പാകിസ്താന്‍ വിളിച്ച് വരുത്തി വിശദീകരണം ചോദിച്ചിരുന്നു. യാത്രാവിമാനങ്ങള്‍ക്കും നാട്ടുകാര്‍ക്കും അപകടമുണ്ടാക്കിയേക്കാവുമായിരുന്ന സംഭവത്തില്‍ പാകിസ്താന്‍ അന്വേഷണവും ആവശ്യപ്പെട്ടിരുന്നു. ഇതിന് പുറമെ ഇത്തരം സംഭവങ്ങള്‍ ആവര്‍ത്തിച്ചാല്‍ ഉണ്ടായേക്കാവുന്ന പ്രത്യാഘാതങ്ങളെ കുറിച്ച് പാകിസ്താന്‍ ഓര്‍മിപ്പിക്കുകയും ചെയ്തിരുന്നു.