അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പാലക്കാട് വാളയാറില്‍ കോളജ് ബസ്സിനുള്ളില്‍ കയറി വിദ്യാര്‍ത്ഥികളെ മര്‍ദ്ദിച്ച സംഭവത്തില്‍ അഞ്ചുപേര്‍ അറസ്റ്റിലായി. ആക്രമണത്തില്‍ 10 വിദ്യാര്‍ഥികള്‍ക്കു പരുക്കേറ്റു.കോളജ് ബസിലെ യാത്രയെച്ചൊല്ലിയുള്ള തര്‍ക്കമാണ് സംഘര്‍ഷത്തിന് കാരണമെന്ന് പൊലീസ് പറഞ്ഞു. വാളയാറില്‍ ഓടിക്കൊണ്ടിരിക്കുന്ന കോളജ് ബസ് തടഞ്ഞ് ആക്രമിക്കുകയായിരുന്നു.
കഞ്ചിക്കോട് സ്വദേശികളായ രോഹിത്, സുജീഷ്, സത്യദത്ത്, നിഖില്‍, അക്ബര്‍ എന്നിവരാണ് അറസ്റ്റിലായത്. കോയമ്പത്തൂരിലെ സ്വകാര്യ കോളജിലെ മലയാളി വിദ്യാര്‍ഥികള്‍ക്ക് ബസിനുള്ളില്‍ വെച്ച് ക്രൂര മര്‍ദ്ദനമേറ്റത്. പരിക്കേറ്റവർ ആശുപത്രിയില്‍ ചികിത്സ തേടി. സംഭവത്തില്‍ വാളയാര്‍ പൊലീസ് കേസെടുത്തിരുന്നു.
