ഗവര്‍ണറുടെ സ്റ്റേ-കാരണം കാണിക്കൽ നടപടികൾക്കെതിരെ കണ്ണൂർ വി.സി; കോ​ട​തി​യെ സ​മീ​പിക്കും

തി​രു​വ​ന​ന്ത​പു​രം: അ​സോ​സി​യേ​റ്റ് പ്ര​ഫ​സ​ർ നി​യ​മ​നം മ​ര​വി​പ്പി​ച്ച ഗ​വ​ർ​ണ​ർ ആ​രി​ഫ് മു​ഹ​മ്മ​ദ്ഖാ​ന്‍റെ ന​ട​പ​ടി​ക്കെ​തി​രെ കോ​ട​തി​യെ സ​മീ​പി​ക്കു​മെ​ന്ന് ക​ണ്ണൂ​ർ സ​ർ​വ​ക​ലാ​ശാ​ല വൈ​സ് ചാ​ൻ​സ​ല​ർ ഡോ. ​ഗോ​പി​നാ​ഥ് ര​വീ​ന്ദ്ര​ൻ. വ്യാ​ഴാ​ഴ്ച അ​വ​ധി​യാ​യ​തി​നാ​ൽ വെ​ള്ളി​യാ​ഴ്ച തു​ട​ർ​ന​ട​പ​ടി സ്വീ​ക​രി​ക്കു​മെ​ന്ന് വി​സി മാ​ധ്യ​മ​ങ്ങ​ളു​ടെ ചോ​ദ്യ​ങ്ങ​ൾ​ക്ക് മ​റു​പ​ടി​യാ​യി അ​റി​യി​ച്ചു.

നി​യ​മ​നം മ​ര​വി​പ്പി​ക്കാ​ൻ ഗ​വ​ർ​ണ​ർ​ക്ക് അ​ധി​കാ​ര​മി​ല്ലെ​ന്ന് വി​സി ഭ​ര​ണ​ഘ​ട​ന ചൂ​ണ്ടി​ക്കാ​ട്ടി പ​റ​യാ​തെ പ​റ​ഞ്ഞു. ക​ണ്ണൂ​ർ സ​ർ​വ​ക​ലാ​ശാ​ല ച​ട്ടം 1996 സെ​ക്ഷ​ൻ 7/3 പ്ര​കാ​ര​മാ​ണ് ഗ​വ​ർ​ണ​ർ നി​യ​മ​നം മ​ര​വി​പ്പി​ച്ചി​രി​ക്കു​ന്ന​ത്. ഇതിൽ ​ചാ​ൻ​സ​ല​റു​ടെ അ​ധി​കാ​രം വ്യ​ക്ത​മാ​ക്കു​ന്ന ഭാ​ഗം മാ​ധ്യ​മ​പ്ര​വ​ർ​ത്ത​ക​രെ വിസി ഗോ​പി​നാ​ഥ് ര​വീ​ന്ദ്ര​ൻ വാ​യി​ച്ചു​കേ​ൾ​പ്പി​ച്ചു. ഇ​താ​ണ് ത​നി​ക്ക് പ​റ​യാ​നു​ള്ള​തെ​ന്നും മ​റ്റൊ​ന്നും പ​റ​യാ​നി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

പ്രിയ വ‍ർഗീസിന് നിയമന ഉത്തരവ് രണ്ട് ദിവസത്തിനകം പുറപ്പെടുവിക്കുമെന്ന് വൈസ് ചാൻസലർ ഡോ ഗോപിനാഥ് രവീന്ദ്രൻ പറഞ്ഞതിന് പിന്നാലെയാണ് ഗവർണറും സർവകലാശാല ചാൻസലറുമായ ആരിഫ് മുഹമ്മദ് ഖാന്‍  റാങ്ക് പട്ടിക മരവിപ്പിച്ചത്. 

സർവകലാശാല മലയാളം ഡിപ്പാർട്മെന്‍റില്‍ അസോസിയേറ്റ് പ്രൊഫസർ സ്ഥാനത്തേക്കുള്ളതായിരുന്നു റാങ്ക് ലിസ്റ്റ്. ആവശ്യമായ അധ്യാപന പരിചയം പോലുമില്ലാത്ത പ്രിയ വർഗീസിന് ചട്ട വിരുദ്ധമായി റാങ്ക് പട്ടികയിൽ ഒന്നാമതെത്താൻ സാധിച്ചത് സ്വജന പക്ഷപാതമെന്ന് ആരോപണം ഉയർന്നിരുന്നു. സിമിലാരിറ്റി ചെക്കിംഗ് ബാക്കിയുള്ളതിനാലാണ് നിയമനം വൈകുന്നതെന്നായിരുന്നു ഇന്ന് വിസി പറഞ്ഞത്. ഇക്കാര്യം പൂർത്തിയാകുന്നതോടെ നിയമന ഉത്തരവ് നൽകും. ഗവർണർ തനിക്കെതിരെ പരസ്യമായി ആരോപണം ഉന്നയിക്കുകയാണ്. ഇത്തരത്തിൽ ആരോപണം ഉന്നയിക്കുന്നതിന്  പകരം എഴുതി നൽകുകയാണെങ്കിൽ മറുപടി നൽകാമെന്നും ഡോ ഗോപിനാഥൻ രവീന്ദ്രൻ രാവിലെ പറ‍ഞ്ഞിരുന്നു.