ഷാജഹാൻ വധക്കേസ്: മു​ഴു​വ​ൻ പ്ര​തി​ക​ളും പി​ടി​യി​ൽ

പാ​ല​ക്കാ​ട്: സി​പി​എം മ​രു​ത​റോ​ഡ് ലോ​ക്ക​ൽ ക​മ്മി​റ്റി​യം​ഗ​വും കു​ന്നു​കാ​ട് ബ്രാ​ഞ്ച് സെ​ക്ര​ട്ട​റി​യു​മാ​യ ഷാ​ജ​ഹാ​ന്‍റെ (40) കൊ​ല​പാ​ത​ക​വു​മാ​യി ബ​ന്ധ​പ്പെ​ട്ട് മു​ഴു​വ​ൻ പ്ര​തി​ക​ളേ​യും പോ​ലീ​സ് ക​സ്റ്റ​ഡി​യി​ലെ​ടു​ത്തു. 

മ​ല​ന്പു​ഴ കൊ​ട്ടേ​ക്കാ​ട് സ്വ​ദേ​ശി​ക​ളും ഒ​ന്നു​മു​ത​ൽ എ​ട്ടു​വ​രെ പ്ര​തി​ക​ളു​മാ​യ ശ​ബ​രീ​ഷ്, അ​നീ​ഷ്, ന​വീ​ൻ, ശി​വ​രാ​ജ​ൻ, സി​ദ്ധാ​ർ​ഥ​ൻ, സു​ജീ​ഷ്, സ​ജീ​ഷ്, വി​ഷ്ണു എ​ന്നി​വ​രെ​യാ​ണ് പ്ര​ത്യേ​ക അ​ന്വേ​ഷ​ണ സം​ഘം പി​ടി​കൂ​ടി​യ​ത്. പ്ര​തി​ക​ളു​ടെ അ​റ​സ്റ്റ് ബുധനാഴ്ച രേ​ഖ​പ്പെ​ടു​ത്തും.

14ന് വൈകുന്നേരം ചന്ദ്രനഗർ ചാണക്യ ഹോട്ടലിൽ പ്രതികൾ ഒത്തുകൂടിയിട്ടുണ്ടായിരുന്നുവെന്ന് പൊലീസ് വ്യക്തമാക്കി. കൃത്യത്തിൽ നേരിട്ടു പങ്കെടുത്ത നവീൻ, കൊലയാളികൾക്ക് സഹായം നൽകിയ സിദ്ധാർത്ഥൻ എന്നിവർ നേരത്തെ പൊലീസ് പിടിയിലായി. നവീൻ മൂന്നാം പ്രതിയും സിദ്ധാർത്ഥൻ അഞ്ചാം പ്രതിയുമാണ്. നവീൻ ഷാജഹാനെ നേരിട്ട് വെട്ടിയയാളാണെന്നാണ് വിവരം. സിദ്ധാർത്ഥൻ ഇവർക്കുവേണ്ട എല്ലാ സഹായങ്ങളും ചെയ്തുകൊടുക്കുകയും ചെയ്തു. ഒരാളെ പൊള്ളാച്ചിയിൽനിന്നും മറ്റൊരാളെ പട്ടാമ്പിയിൽനിന്നുമാണ് പിടികൂടിയത്.

അ​ന്വേ​ഷ​ണ ഘ​ട്ട​ത്തി​ലാ​യ​തി​നാ​ൽ കൊ​ല​പാ​ത​കം സം​ബ​ന്ധി​ച്ച് കൂ​ടു​ത​ൽ വി​വ​ര​ങ്ങ​ൾ പു​റ​ത്തു​വി​ടാ​ൻ സാ​ധി​ക്കി​ല്ലെ​ന്ന് ജി​ല്ലാ പോ​ലീ​സ് മേ​ധാ​വി ആ​ർ. വി​ശ്വ​നാ​ഥ് പ​റ​ഞ്ഞു. ഞാ​യ​റാ​ഴ്ച രാ​ത്രി ഒ​ന്പ​തേ​മു​ക്കാ​ലോ​ടെ​യാ​ണ് കൊ​ട്ടേ​ക്കാ​ട് കു​ന്നു​കാ​ട് വീ​ടി​ന​ടു​ത്തു​വ​ച്ച് ഷാ​ജ​ഹാ​ന് വെ​ട്ടേ​റ്റ​ത്.
 
 
ഷാജഹാന്റെ മരണം അമിതമായി രക്തംവാർന്നത് മൂലമാണെന്നാണ് പ്രാഥമിക പോസ്റ്റ്മോർട്ടം റിപ്പോർട്ട്. ഷാജഹാന്റെ കൈയിലും കാലിലും അഞ്ച് മുറിവുകളുണ്ടായിരുന്നു. കൈയും കാലും അറ്റുതൂങ്ങിയ നിലയിലായിരുന്നുവെന്നും പോസ്റ്റ്മോർട്ടം റിപ്പോർട്ടിലുണ്ട്.