അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ബിഹാര് മുഖ്യമന്ത്രി സ്ഥാനം രാജിവച്ച് നിതീഷ് കുമാര്. രാജ്ഭവനിലെത്തി ഗവര്ണര്ക്ക് രാജിക്കത്ത് കൈമാറുകയായിരുന്നു. ആര്ജെഡിയുടെ പിന്തുണ കത്ത് നിതീഷ് കുമാര് ഗവര്ണര്ക്ക് കൈമാറിയിട്ടുണ്ട്. ആര്ജെഡിയുടെ പിന്തുണയോടെ നിതീഷ് കുമാര് വീണ്ടും മുഖ്യമന്ത്രിയാകും. നിതീഷ് കുമാറിന്റെ രാജി ഗവര്ണര് സ്വീകരിച്ചിട്ടുണ്ട്. നിതീഷ് കുമാര് ബിഹാറിന്റെ കാവല് മുഖ്യമന്ത്രിയായി തുടരും.
ബിഹാറില് ആര്ജെഡിക്ക് 80 സീറ്റുകളും ബിജെപിക്ക് 77 സീറ്റുകളും ജെഡിയുവിന് 55 സീറ്റും കോണ്ഗ്രസിന് 19 സീറ്റുകളുമാണുള്ളത്. ഉപമുഖ്യമന്ത്രി, സ്പീക്കര് മുതലായ സ്ഥാനങ്ങള് നിതീഷ് കുമാര് ആര്ജെഡിക്ക് വാഗ്ദാനം ചെയ്തിട്ടുണ്ടെന്നാണ് റിപ്പോര്ട്ടുകള്. ബിജെപിയുമായി മാസങ്ങളായി ജെഡിയു അകല്ച്ചയിലാണ്. ഈ പശ്ചാത്തലത്തില് മഹാരാഷ്ട്രയിലേതിന് സമാനമായി ബിജെപി വിമത നീക്കം നടത്തി നിതീഷ് കുമാര് സര്ക്കാരിനെ അട്ടിമറിക്കുമെന്ന ആശങ്ക നിതീഷ് കുമാറിനുണ്ടെന്ന് റിപ്പോര്ട്ടുകളുണ്ടായിരുന്നു. ഇതിന് പിന്നാലെയാണ് നിതീഷ് കുമാറിന്റെ രാജി.
