അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ആലപ്പുഴ: മഴ തുടരുന്ന സാഹചര്യത്തില് കുട്ടനാട് താലൂക്കിലെ പ്രെഫഷണല് കോളജുകളും അങ്കണവാടികളും ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും മറ്റു താലൂക്കുകളില് ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് വി.ആര്.കൃഷ്ണതേജ നാളെ അവധി പ്രഖ്യാപിച്ചു.
അതേസമയം, നീരൊഴുക്ക് ശക്തമായി തുടരുന്ന സാഹചര്യത്തില് ഇടുക്കി ഡാമിന്റെ കൂടുതല് ഷട്ടറുകള് തുറന്നു. 2, 4 എന്നീ ഷട്ടറുകള് കൂടി 40 സെന്റീമീറ്റര് വീതം ഉയര്ത്തി. 100 ക്യുമെക്സ് ജലം പുറത്തേക്കൊഴുകും. ഈ സാഹചര്യത്തില് ചെറുതോണി ടൗണ് മുതല് പെരിയാറിന്റെ ഇരുകരകളിലുമുള്ളവര് അതീവജാഗ്രത പാലിക്കണമെന്ന് ജില്ലാ കലക്ടര് അറിയിച്ചു.
