അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നടി നിത്യ മേനൻ വിവാഹിതയാവുന്നു എന്ന് പല മാധ്യമങ്ങളും ഇന്ന് റിപ്പോർട്ട് ചെയ്തിരുന്നു. മലയാളത്തിലെ പ്രമുഖ നടനാണ് വരൻ എന്നാണ് പുറത്തുവന്നത്. എന്നാൽ പേരോ മറ്റ് വിവരങ്ങളോ പുറത്ത് വിട്ടിരുന്നില്ല. എന്നാൽ പ്രചരിക്കുന്ന വിവാഹ വാർത്ത തികച്ചും തെറ്റിദ്ധരിപ്പിക്കുന്നതാണ്. വിവാഹ വാർത്ത നിഷേധിച്ച് നടി നിത്യാമേനൻ തന്നെ ഇപ്പോൾ രംഗത്ത് വന്നിരിക്കുകയാണ്. മലയാളത്തിലെ ഒരു പ്രമുഖ നടനുമായി വിവാഹം ഉടനുണ്ടാകുമെന്ന തരത്തിൽ രാവിലെ മുതൽ വാർത്തകൾ പ്രചരിച്ചിരുന്നു. എന്നാൽ, ഈ വാർത്ത സത്യമല്ലെന്നാണ് താരം ഒരു പ്രമുഖ മാദ്ധ്യമത്തോട് പ്രതികരിച്ചിരിക്കുന്നത്.
സിനിമയിലെത്തിയ കാലം മുതലുള്ള അടുപ്പമാണ് ഇരുവരെയും പ്രണയത്തിലെത്തിച്ചതെന്ന തരത്തിലായിരുന്നു വാർത്തകൾ പ്രചരിച്ചത്. എന്നാൽ, താൻ ഇപ്പോൾ ജോലിയുടെ തിരക്കിലാണെന്നും വിവാഹം തീരുമാനിക്കുമ്പോൾ എല്ലാവരെയും അറിയിക്കുമെന്നുമാണ് അവരുടെ പ്രതികരണം. വിജയ് സേതുപതി നായകനാകുന്ന 19(1) (എ) ആണ് നിത്യയുടെ പുതിയ റിലീസ് ചിത്രം. ഡിസ്‌നി പ്ലസ് ഹോട്ട്സ്റ്റാറിലൂടെ പുറത്തിറങ്ങുന്ന ചിത്രത്തിന്റെ റിലീസ് തീയതി പ്രഖ്യാപിച്ചിട്ടില്ല.ധനുഷ് നായകനാകുന്ന തിരുചിത്രമ്പലം എന്ന ചിത്രത്തിലും നിത്യാമേനനാണ് നായിക. മലയാളത്തിൽ കോളാമ്പിയാണ് താരം അവസാനമായി അഭിനയിച്ച ചിത്രം.
