‘പ്രസംഗത്തിൽ തെറ്റില്ല, കെ.കെ രമ വിധവയായതിൽ ഞങ്ങൾക്ക് പങ്കില്ലെന്നാണ് അദ്ദേഹം പറഞ്ഞത്’; എം.എം മണിയെ ന്യായീകരിച്ച് മുഖ്യമന്ത്രി

തിരുവനന്തപുരം: വടകര എം.എൽ.എ കെ.കെ രമയ്‌ക്കെതിരായ മണിയുടെ പ്രസ്താവനയെ ന്യായീകരിച്ച് മുഖ്യമന്ത്രി പിണറായി വിജയൻ. കെ.കെ രമ വിധവയായതിൽ തങ്ങൾക്ക് പങ്കില്ലെന്നാണ് എം.എം മണി വ്യക്തമാക്കിയതെന്ന് മുഖ്യമന്ത്രി നിയമസഭയിൽ പറഞ്ഞു. പ്രസ്താവനയിൽ അദ്ദേഹത്തിന് തെറ്റുപറ്റിയിട്ടില്ലെന്നും മുഖ്യമന്ത്രി കൂട്ടിച്ചേർത്തു. എം.എം മണിയുടെ മോശം പരാമർശത്തിനെതിരെ പ്രതിപക്ഷത്ത് നിന്നും പ്രതിഷേധം ഉയർന്നതിനു പിന്നാലെയാണ് മുഖ്യമന്ത്രിയുടെ പ്രതികരണം.

മ​ണി​യു​ടെ പ്ര​സം​ഗം കേ​ട്ടു. അ​വ​ർ വി​ധ​വ​യാ​യ​തി​ൽ ത​ങ്ങ​ൾ​ക്ക് പ​ങ്കി​ല്ലെ​ന്നാ​ണ് അ​ദ്ദേ​ഹം പ​റ​ഞ്ഞ​ത്. മ​ഹ​തി​യെ​ന്നു വി​ളി​ച്ച​തി​ലും അ​പ​കീ​ർ​ത്തി​ക​ര​മാ​യി ഒ​ന്നു​മി​ല്ല. തി​രു​വ​ഞ്ചൂ​ർ മ​ന്ത്രി​യാ​യി​രു​ന്ന കാ​ല​ത്തെ കാ​ര്യ​മാ​ണ് പ​റ​ഞ്ഞ​ത്. അ​തി​ലെ​ന്താ​ണ് തെ​റ്റാ​യി​ട്ടു​ള്ള​തെ​ന്നും മു​ഖ്യ​മ​ന്ത്രി ചോ​ദി​ച്ചു.

‘ഒരു മഹതി സർക്കാരിന് എതിരെ പ്രസംഗിച്ചു. ആ മഹതി വിധവയായിപ്പോയി. അത് അവരുടെ വിധി. ഞങ്ങൾ ആരും ഉത്തരവാദികളല്ല’- എം.എം മണി നിയമസഭയിൽ പറഞ്ഞു. പൊലീസിനെതിരെ കെ.കെ രമ വിമർശനമുന്നയിച്ചപ്പോളാണ് അദ്ദേഹത്തിന്റെ പരാമർശം. 

എം.എം മണിയുടെ പരാമർശത്തിനെതിരെ പ്രതിപക്ഷം സഭയുടെ നടുത്തളത്തിലിറങ്ങി പ്രതിഷേധിച്ചു. എം.എം മണി മാപ്പ് പറയണമെന്ന് പ്രതിപക്ഷം ആവശ്യപ്പെട്ടു. പ്രതിപക്ഷ ബഹളത്തെ തുടർന്ന് സഭ നിർത്തിവെക്കുകയായിരുന്നു. അതേസമയം താൻ ആരെയും അപമാനിച്ചിട്ടില്ലെന്ന് എം.എം മണി വ്യക്തമാക്കി. ആ​രെ​യും അ​പ​മാ​നി​ക്ക​ണ​മെ​ന്ന് ഉ​ദ്ദേ​ശി​ച്ചി​ട്ടി​ല്ലെ​ന്ന് മ​ണി പ​റ​ഞ്ഞു. ത​ന്‍റെ വീ​ക്ഷ​ണ​ത്തി​ൽ തോ​ന്നി​യ​ത് പ​റ​ഞ്ഞ​താ​ണെ​ന്നും മ​ണി വ്യ​ക്ത​മാ​ക്കി.