അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ശ്രീലങ്കയിൽ എണ്ണയുടെയും മറ്റ് അവശ്യവസ്തുക്കളുടെയും ക്ഷാമത്തിനിടയിൽ ജനം വീണ്ടും തെരുവിലിറങ്ങി. പ്രതിഷേധക്കാർ പ്രസിഡന്റ് ഗോതബയ രാജപക്‌സെയുടെ വസതി വളഞ്ഞതോടെ പ്രതിഷേധം ഭയന്ന് പ്രസിഡന്റ് പലായനം ചെയ്തതായി റിപ്പോർട്ട് .
ആയിരക്കണക്കിന് പ്രതിഷേധക്കാർ കൊളംബോയിലെ പൊലീസ് ബാരിക്കേഡുകൾ ഭേദിച്ച് പ്രസിഡന്റിന്റെ ഔദ്യോഗിക വസതിയിലേക്ക് അതിക്രമിച്ചു കയറിയിരുന്നു. പൊലീസ് കണ്ണീർ വാതകം തുടർച്ചയായി പ്രയോഗിക്കുകയും അന്തരീക്ഷത്തിൽ വെടിവയ്ക്കുകയും ചെയ്തു.ഈ സംഭവത്തിൽ നിരവധി പേർക്ക് പരുക്കേറ്റതായിട്ടാണ് റിപ്പോർട്ടുകൾ.
തലസ്ഥാനമായ കൊളംബോയ്‌ക്കൊപ്പം പശ്ചിമ പ്രവിശ്യയിലെ ഏഴ് ഡിവിഷനുകളിൽ കർഫ്യൂ ഏർപ്പെടുത്തി. നേരത്തെ ശ്രീലങ്കയിലെ ബാർ അസോസിയേഷനുകൾ, മനുഷ്യാവകാശ ഗ്രൂപ്പുകൾ, രാഷ്ട്രീയ പാർട്ടികൾ എന്നിവയിൽ നിന്നുള്ള സമ്മർദ്ദത്തെത്തുടർന്ന് സർക്കാർ വിരുദ്ധ പ്രതിഷേധങ്ങൾക്ക് മുന്നോടിയായി ഏർപ്പെടുത്തിയ കർഫ്യൂ പിൻവലിച്ചിരുന്നു.
