അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മിസ് ഇന്ത്യ 2022 വിജയിയായി കർണാടകയിൽ നിന്നുള്ള 21 കാരി സിനി ഷെട്ടി . ഞായറാഴ്ച വൈകുന്നേരം മുംബൈയിലെ ജിയോ കൺവെൻഷൻ സെന്ററിലാണ് പരിപാടി നടന്നത്.71-ാമത് ലോകസുന്ദരി മത്സരത്തിൽ സിനി ഷെട്ടി ഇന്ത്യയെ പ്രതിനിധീകരിക്കും.മിസ് ഇന്ത്യ 2020 ആയ മാനസ വാരണാസിയാണ് തന്റെ പിൻഗാമിയായ സിനി മിസ് ഇന്ത്യ 2022ന് കിരീടം അണിയിച്ചത്.
കർണാടക സ്വദേശിനിയായ സിനി ഷെട്ടി ഇപ്പോൾ ചാർട്ടേഡ് ഫിനാൻഷ്യൽ കോഴ്‌സ് പഠിക്കുകയാണ്. രാജസ്ഥാനിൽ നിന്നുള്ള റൂബൽ ഷെഖാവത്ത് മിസ് ഇന്ത്യ 2022 ഫസ്റ്റ് റണ്ണറപ്പും ഉത്തർപ്രദേശിൽ നിന്നുള്ള ഷിനത ചൗഹാൻ മിസ് ഇന്ത്യ 2022 സെക്കൻഡ് റണ്ണറപ്പും ആയി.
നേഹ ധൂപിയ, ഡിനോ മോറിയ, മലൈക അറോറ തുടങ്ങിയ അഭിനേതാക്കളായിരുന്നു മിസ് ഇന്ത്യ ജൂറി പാനലിൽ ഉണ്ടായിരുന്നത്. ക്രിക്കറ്റ് താരം മിതാലി രാജും ജൂറിയുടെ ഭാഗമായിരുന്നു. കൂടാതെ, രാഹുൽ ഖന്ന, രോഹിത് ഗാന്ധി, ഷിയമാക് ദാവർ എന്നിവരും സമിതിയുടെ ഭാഗമായിരുന്നു.2022 ലെ മിസ് ഇന്ത്യ മത്സരത്തിന്റെ ഫൈനൽ താരനിബിഡമായിരുന്നു, കൃതി സനോണിന്റെയും ലോറൻ ഗോട്‌ലീബിന്റെയും പ്രകടനങ്ങൾ ചടങ്ങിന് ഉണ്ടായിരുന്നു. മനീഷ് പോൾ പരിപാടിക്ക് നേതൃത്വം നൽകി.
