വിശ്വാസവോട്ടെടുപ്പിന് കാത്തില്ല; മു​ഖ്യ​മ​ന്ത്രി സ്ഥാ​നം രാ​ജി​വെച്ച് ഉദ്ധവ് താക്കറെ

മും​ബൈ: മ​ഹാ​രാ​ഷ്ട്ര​യി​ൽ‌ വി​ശ്വാ​സ​വോ​ട്ടെ​ടു​പ്പി​ന് സു​പ്രീം കോ​ട​തി അ​നു​മ​തി ന​ൽ​കി​യ​തി​നു പി​ന്നാ​ലെ ഉ​ദ്ദ​വ് താ​ക്ക​റെ മു​ഖ്യ​മ​ന്ത്രി സ്ഥാ​നം രാ​ജി​വ​ച്ചു. ഫേ​സ്ബു​ക്ക് ലൈ​വി​ലാ​ണ് ഉ​ദ്ദ​വ് രാ​ജി തീ​രു​മാ​നം അ​റി​യി​ച്ച​ത്. എ​ൽ​എം​സി സ്ഥാ​ന​വും ഉ​ദ്ദ​വ് രാ​ജി​വ​ച്ചു.

മറാത്തികൾക്കും ഹിന്ദുക്കൾക്കും വേണ്ടിയാണ് താൻ നിലനിന്നതെന്ന് രാജി പ്രഖ്യാപനത്തിനിടെ ഉദ്ധവ് താക്കറെ പറഞ്ഞു. സഭയിലെ അംഗബലത്തേക്കാളും ഒരു ശിവസേനക്കാരൻ പോലും എതിരാകുന്നതാണ് സഹിക്കാനാകാത്ത കാര്യമെന്ന് അദ്ദേഹം പറഞ്ഞു. പാർട്ടിയിൽ നിന്ന് പല സ്ഥാനമാനങ്ങളും സ്വന്തമാക്കിയവര്‍ ഇന്ന് പാർട്ടിയുമായി വിദ്വേഷത്തിലാണ്. ഒന്നും ലഭിക്കാത്ത സാധാരണക്കാരായ ശിവസൈനികരാണ് പാർട്ടിക്ക് പിന്നിൽ ഉറച്ചുനിൽക്കുന്നത് -ഉദ്ധവ് താക്കറെ രാജിപ്രഖ്യാപനത്തിനിടെ പറഞ്ഞു
 

അ​പ്ര​തീ​ക്ഷി​ത​മാ​യാ​ണ് താ​ൻ അ​ധി​കാ​ര​ത്തി​ൽ എ​ത്തി​യ​ത്. സ​മാ​ന​മാ​യ രീ​തി​യി​ൽ അ​ധി​കാ​രം വി​ടു​ക​യാ​ണ്. താ​ൻ എ​ന്നെ​ന്നേ​ക്കു​മാ​യി പോ​കു​ന്നി​ല്ല, ഇ​വി​ടെ ഉ​ണ്ടാ​കും, ഒ​രി​ക്ക​ൽ കൂ​ടി ശി​വ​സേ​ന ഭ​വ​നി​ൽ ഇ​രി​ക്കും. ത​ന്‍റെ എ​ല്ലാ ആ​ളു​ക​ളെ​യും ഒ​ന്നി​ച്ചു​കൂ​ട്ടും. ത​ന്നെ പി​ന്തു​ണ​ച്ച എ​ൻ​സി​പി​ക്കും കോ​ൺ​ഗ്ര​സി​നും ന​ന്ദി അ​റി​യി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു.

മഹാരാഷ്ട്ര നിയമസഭയിൽ നാളെ രാവിലെ 11ന് വിശ്വാസവോട്ടെടുപ്പ് നടത്താനാണ് സുപ്രിം കോടതി അനുമതി നൽകിയത്. കോടതിയുടെ തീരുമാനം ശിവസേനക്ക് കനത്ത തിരിച്ചടിയായിരുന്നു. ഇതോടെ ഉദ്ധവ് താക്കറെയുടെ നേതൃത്വത്തിലുള്ള മഹാ വികാസ് അഘാഡി സർക്കാർ നിയമസഭയിൽ ഭൂരിപക്ഷം തെളിയിക്കേണ്ട അവസ്ഥ വന്നു. അതിന് കാത്തുനില്‍ക്കാതെയണ് ഉദ്ധവ് താക്കറെ മുഖ്യമന്ത്രി പദം രാജിവെക്കുന്നത്.