അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
അമേരിക്ക : വൈറ്റ്‌ഹൗസിലെ ഓഫീസ് ഒഫ് സയൻസ് ആൻഡ് ടെക്നോളജി പോളിസിയുടെ തലപ്പത്തേക്ക് ഇന്ത്യൻ വംശജയായ ശാസ്ത്ര സാങ്കേതിക വിദഗ്ദ്ധ ഡോ. ആരതി പ്രഭാകറിനെ ( 63 ) നാമനിർദ്ദേശം ചെയ്ത അമേരിക്കൻ പ്രസിഡന്റ് ജോ ബൈഡൻ.
സെനറ്റിന്റെ അംഗീകാരം ലഭിച്ചാൽ പ്രസിഡന്റിന്റെ മുഖ്യ ശാസ്ത്ര – സാങ്കേതിക ഉപദേഷ്ടാവായി ആരതി പ്രവർത്തിക്കും. മറ്റ് ഉപദേഷ്‌ടാക്കളെപ്പോലെ പ്രസിഡന്റിന്റെ കാബിനറ്റിന്റെ ഭാഗമായിട്ടാകും പ്രവർത്തിക്കുകയും ചെയ്യും.ഡൽഹിയിൽ ജനിച്ച ആരതി മൂന്നാം വയസിൽ കുടുംബത്തോടൊപ്പം യു.എസിലേക്ക് കുടിയേറുകയായിരുന്നു. എൻജിനിയറായ ആരതി ഡിഫൻസ് അഡ്വാൻസ്ഡ് റിസേർച്ച് പ്രോജക്ട് ഏജൻസിയുടെ മുൻ ഡയറക്ടറാണ്.
