അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ന്യൂഡല്ഹി: രാജ്യത്തെ സൈനിക റിക്രൂട്ട്മെന്റ് അഗ്നിപഥ് വഴി മാത്രമെന്ന് നാവികസേന മേധാവി അഡ്മിറല് ആര് ഹരികുമാര്. അഗ്നിപഥ് പദ്ധതി സേനകള്ക്ക് ഏറെ ഗുണം ചെയ്യും. സേനയെ കൂടുതല് ചെറുപ്പമാക്കാനാണ് പദ്ധതി കൊണ്ടുവന്നത്. സേനയില് വരുന്നവരുടെ സമ്പൂര്ണ്ണ വികസനം സാധ്യമാകുമെന്നും നാവികേസന മേധാവി പറഞ്ഞു.
രണ്ട് ദിവസത്തിനുള്ളില് റിക്രൂട്ട്മെന്റിനുള്ള വിജ്ഞാപനം പുറത്തിറക്കുമെന്ന് കരസേന മേധാവി അറിയിച്ചു. പിന്നാലെ റാലികളുടെ തീയതി പ്രഖ്യാപിക്കും. ഈ ഡിസംബറില് തന്നെ പരിശീലനം തുടങ്ങും. പരിശീലനം പൂര്ത്തിയാക്കുന്നവര് 2023 പകുതിയോടെ സേനയുടെ ഭാഗമാകുമെന്നും കരസേന മേധാവി മനോജ് പാണ്ഡെ വ്യക്തമാക്കി.
രാജ്യവ്യാപകമായി പ്രതിഷേധം ആളിക്കത്തുമ്പോഴും അഗ്നിപഥ് പദ്ധതിയില് നിന്ന് കേന്ദ്രസര്ക്കാര് പിന്നോട്ടില്ലെന്നാണ് വ്യക്തമാക്കുന്നത്. വലിയൊരു വിഭാഗം യുവാക്കള്ക്ക് പദ്ധതി പ്രയോജനപ്പെടുമെന്ന വാദമുയര്ത്തി അഗ്നിപഥിനെതിരായ രോഷം ശമിപ്പിക്കാനാണ് കേന്ദ്രസര്ക്കാര് ശ്രമിക്കുന്നത്.
