അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ബിജു മേനോൻ പ്രധാന വേഷത്തിൽ എത്തുന്ന നവാഗതനായ ശ്രീജിത്ത് എന് സംവിധാനം ചെയ്യുന്ന ഒരു തെക്കന് തല്ല് കേസിന്റെ ഫസ്റ്റ് ലുക്ക് മോഷന് പോസ്റ്റര് പുറത്തിറങ്ങി . ജി ആര് ഇന്ദുഗോപന്റെ അമ്മിണിപ്പിള്ള വെട്ടുകേസ് എന്ന കഥയെ ആസ്പദമാക്കിയുള്ള ചിത്രത്തിന് തിരക്കഥയൊരുക്കിയിരിക്കുന്നത് രാജേഷ് പിന്നാടന് ആണ്.
നേരത്തെ മോഹന്ലാലിനെ ടൈറ്റില് കഥാപാത്രമാക്കി പൃഥ്വിരാജ് സംവിധാനം ചെയ്ത ബ്രോ ഡാഡിയുടെ തിരക്കഥാകൃത്തുക്കളില് ഒരാളാണ് ശ്രീജിത്ത് എന്. പത്മപ്രിയ നായികയാവുന്ന ചിത്രത്തില് യുവതാരങ്ങളായ റോഷന് മാത്യുവും നിമിഷ സജയനും മറ്റു രണ്ട് പ്രധാന കഥാപാത്രങ്ങളെ അവതരിപ്പിക്കുന്നു.
