അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
മഞ്ജു വാര്യര്, സൌബിന് ഷാഹിര് എന്നിവരെ കേന്ദ്ര കഥാപാത്രങ്ങളാക്കി മഹേഷ് വെട്ടിയാര് സംവിധാനം ചെയ്യുന്ന വെള്ളരി പട്ടണം എന്ന ചിത്രത്തിന്റെ രണ്ടാമത്തെ ടീസര് പുറത്തിറങ്ങി. ആക്ഷേപഹാസ്യ സ്വഭാവത്തിലുള്ളതാണ് പുറത്തെത്തിയ ടീസര്. സൌബിന് അവതരിപ്പിക്കുന്ന ലീഡര് കെ പി സുരേഷും ഒപ്പം മഞ്ജു വാര്യരുടെയും കോട്ടയം രമേശിന്റെയും കഥാപാത്രങ്ങള് ടീസറിൽ ഉണ്ട്.
ആക്ഷന് ഹീറോ ബിജു, അലമാര, മോഹന്ലാല്, കുങ്ഫു മാസ്റ്റര് തുടങ്ങിയ സിനിമകള്ക്ക് ശേഷം ഫുള് ഓണ് സ്റ്റുഡിയോസ് നിര്മിക്കുന്ന ചിത്രമാണിത്. മാധ്യമപ്രവര്ത്തകനായ ശരത്കൃഷ്ണയും സംവിധായകനും ചേര്ന്നാണ് രചന. സലിം കുമാര്, സുരേഷ് കൃഷ്ണ, കൃഷ്ണശങ്കര്, ശബരീഷ് വര്മ, അഭിരാമി ഭാര്ഗവന്, മാല പാര്വതി, വീണ നായര്, പ്രമോദ് വെളിയനാട് എന്നിവരും ചിത്രത്തില് ഉണ്ട്.
