അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
സംസ്ഥാനത്ത് അടുത്ത അഞ്ച് ദിവസവും ശക്തമായ മഴയ്ക്ക് സാദ്ധ്യത.കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പിന്റെ അടിസ്ഥാനത്തില് ജില്ലകളില് യെല്ലോ അലര്ട്ട് പ്രഖ്യാപിച്ചു. അറബിക്കടലില് നിന്ന് കേരളത്തീരത്തേക്ക് വീശുന്ന കാലവര്ഷ കാറ്റിന്റെ സ്വാധീന ഫലമായാണ് സംസ്ഥാനത്ത് മഴ ശക്തമാകുന്നത്.
കാലാവസ്ഥാ പ്രവചനത്തെ തുടര്ന്ന് ഇന്ന് ഏഴ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, മലപ്പുറം എന്നീ ജില്ലകളില് ആണ് യെല്ലോ അലര്ട്ട്. നാളെ ആറ് ജില്ലകളില് യെല്ലോ മുന്നറിയിപ്പ് നിര്ദ്ദേശമുണ്ട്. ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കോഴിക്കോട് എന്നീ ജില്ലകളില് യെല്ലോ അലര്ട്ടുള്ളത്. കോട്ടയം, എറണാകുളം, ഇടുക്കി, തൃശ്ശൂര്, മലപ്പുറം, കോഴിക്കോട് എന്നീ ജില്ലകളില് ബുധനാഴ്ച യെല്ലോ അലര്ട്ട് പ്രഖ്യാപിച്ചിട്ടുണ്ട്.
എറണാകുളം, ഇടുക്കി, തൃശ്ശൂര്, മലപ്പുറം, കോഴിക്കോട്, കണ്ണൂര്, കാസര്കോട് എന്നീ ജില്ലകളിലും, വെള്ളിയാഴ്ച കോട്ടയം, എറണാകുളം, ഇടുക്കി, തൃശ്ശൂര്, മലപ്പുറം എന്നീ ജില്ലകളിലും വ്യാഴാഴ്ച യെല്ലോ അലര്ട്ട് ആണ്.
ബുധനാഴ്ച മുതല് വെള്ളിയാഴ്ചവരെയാണ് കേരള തീരത്ത് മത്സ്യബന്ധനത്തിന് വിലക്കുള്ളത്. തീരമേഖലയില് 40 കിലോ മീറ്റര് മുതല് 50 കിലോ മീറ്റര്വരെ വേഗതയില് കാറ്റ് വീശിയേക്കാം.
