അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കൊച്ചി: തൃക്കാക്കരയില് യുഡിഎഫ് വന് മുന്നേറ്റം നടത്തവേ ഉമാ തോമസിന് അഭിനന്ദനങ്ങളുമായി എല്ഡിഎഫ് സ്ഥാനാര്ത്ഥി ജോ ജോസഫ് രംഗത്ത്. വിജയിക്ക് അനുമോദനം നേരുന്നു. ജനഹിതം പൂര്ണ്ണമായി അംഗീകരിക്കുകയാണ്. പാര്ട്ടി ഏല്പ്പിച്ച ജോലി ഭംഗിയായി നിറവേറ്റി. തോല്വി പാര്ട്ടി പരിശോധിക്കുമെന്നും ജോ ജോസഫ് വ്യക്തമാക്കി.
തൃക്കാക്കരയെ ഇളക്കി മറിച്ചു കൊണ്ട് എൽഡിഎഫ് നടത്തിയ പ്രചാരണത്തെ തുടര്ന്ന് ശക്തികേന്ദ്രമായ തൃക്കാക്കരയിൽ യുഡിഎഫ് പിന്നോട്ട് പോയേക്കാം എന്ന തരത്തിലുള്ള വിലയിരുത്തലുകൾ ഉണ്ടായിരുന്നു. കോണ്ഗ്രസിലെ ചില നേതാക്കളടക്കം ഭൂരിപക്ഷം കുറഞ്ഞാലും ഉമ ജയിക്കും എന്ന തരത്തിൽ ആത്മവിശ്വാസം ചോര്ന്ന നിലയിലേക്ക് വന്നെങ്കിലും ഏറ്റവും മികച്ച വിജയം ഉമ നേടും എന്ന് പ്രതിപക്ഷ നേതാവ് വി ഡി സതീശന് ഉറച്ച് വിശ്വസിക്കുകയും പരസ്യമായി പറയുകയും ചെയ്തിരുന്നു.
