അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
അബുദാബി: യുഎഇയില് നാല് പുതിയ കുരങ്ങുപനി കേസുകള് കൂടി സ്ഥിരീകരിച്ചു. ഇതോടെ യുഎഇയില് സ്ഥിരീകരിച്ച കുരങ്ങുപനി കേസുകളുടെ എണ്ണം ആകെ എട്ടായി.
രോഗത്തിനെതിരായ പ്രതിരോധ മാര്ഗങ്ങള് പിന്തുടരണമെന്നും യാത്ര ചെയ്യമ്പോഴും വലിയ ആള്ക്കൂട്ടങ്ങളിലും ജാഗ്രത പാലിക്കണമെന്നും പൊതുജനങ്ങളോട് മന്ത്രാലയം അഭ്യര്ത്ഥിച്ചിട്ടുണ്ട്.
മേയ് 24നാണ് യുഎഇയില് ആദ്യത്തെ കുരങ്ങുപനി കേസ് റിപ്പോര്ട്ട് ചെയ്യപ്പെട്ടത്. വെസ്റ്റ് ആഫ്രിക്കയില് നിന്ന് യുഎഇയിലെത്തിയ 29 വയസുകാരനായ സന്ദര്ശകനാണ് രോഗം സ്ഥിരീകരിച്ചത്. പകര്ച്ചവ്യാധികളില് നിന്നുള്ള സുസ്ഥിരമായ പ്രതിരോധവും സംരക്ഷണവും ലക്ഷ്യമിട്ട് രാജ്യത്ത് ആരോഗ്യ വിഭാഗങ്ങളുമായി സഹകരിച്ച് അന്താരാഷ്ട്ര മാനദണ്ഡങ്ങള് പ്രകാരം ഒരു പകര്ച്ചവ്യാധി നിരീക്ഷണ സംവിധാനം ഏര്പ്പെടുത്തുകയാണെന്ന് അധികൃതര് അറിയിച്ചിരുന്നു.
