അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പ്രശസ്ത ബോളിവുഡ് ഗായകന് കെ.കെ അന്തരിച്ചു. ഹൃദയാഘാതത്തെ തുടര്ന്നാണ് അന്ത്യമെന്നാണ് റിപ്പോര്ട്ട്. കൊല്ക്കത്തയില് സംഗീത പരിപാടിക്കിടെയാണ് കുഴിഞ്ഞു വീഴുകയായിരുന്നു.ഉടനെ കൊല്ക്കത്ത സിഎംആര്ഐ ആശുപത്രിയില് എത്തിച്ചെങ്കിലും മരണം സംഭവിച്ചിരുന്നു.
നിരവധി ഭാഷകളില് പാടിയ രാജ്യത്തെ ഏറ്റവും പ്രമുഖ ഗായകരില് ഒരാളാണ് കെ.കെ. 1990കളുടെ അവസാനത്തില് കൗമാരക്കാര്ക്കിടയില് വലിയ ഹിറ്റായി മാറിയ ‘പാല്’, ‘യാരോന്’ തുടങ്ങിയ ഗാനങ്ങള്ക്ക് ശബ്ദം നല്കിയത് കെ.കെയാണ്. 1999-ലെ അദ്ദേഹത്തിന്റെ ആദ്യ ആല്ബം പാല് നിരൂപക പ്രശംസ നേടിയിരുന്നു. 2000-കളുടെ തുടക്കം മുതല്, അദ്ദേഹം പിന്നണി ഗാനരംഗത്ത് സജീവമായിരുന്നു.കെകെയുടെ നിര്യാണത്തില് പ്രധാനമന്ത്രി നരേന്ദ്രമോദി അനുശോചനം അറിയിച്ചു.
