അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
വസൂരിയ്ക്കെതിരായ വാക്സിന് കുരങ്ങ് പനിയ്ക്കെതിരെ ഫലപ്രദമാണെന്ന് കണ്ടെത്തി. വാക്സിനിയ എന്ന വൈറസില് നിന്നുമാണ് വസൂരിയ്ക്കെതിരായ വാക്സിന് കണ്ടുപിടിച്ചത്. വസൂരിയ്ക്കെതിരെ വാക്സിന് 95 ശതമാനം ഫലപ്രദമാണെന്നാണ് അമേരിക്കയിലെ സെന്റര് ഡിസീസ് കണ്ട്രോള് ആന്ഡ് പ്രിവന്ഷന് പറയുന്നത്. കുരങ്ങ് പനി സ്ഥിരീകരിച്ചവരില് ചിലര്ക്ക് വസൂരിയ്ക്കെതിരെ ഉപയോഗിക്കുന്ന വാക്സിന് വാഗ്ദാനം ചെയ്തതായി ബ്രിട്ടീഷ് അധികൃതര് പറഞ്ഞിരുന്നു. കുരങ്ങ് പനിക്കെതിരെ ചികിത്സ സാധ്യമാണെന്നാണ് ആരോഗ്യ വിദഗ്ധര് പറയുന്നത്.കുരങ്ങ് പനി സ്ഥിരീകരിച്ചവരിലെല്ലാവരിലും രോഗം നാല് ആഴ്ചകള്ക്കുള്ളില് ഭേദമായിട്ടുണ്ട്. ആശുപത്രി ചികിത്സ ആവശ്യമില്ലാതെ തന്നെയാണ് ഇവരെല്ലാവര്ക്കും രോഗം ഭേദമായത്.
മധ്യ-പടിഞ്ഞാറന് ആഫ്രിക്കയില് മാത്രം കണ്ടുവന്നിരുന്ന കുരങ്ങ് പനി, ആഫ്രിക്കയ്ക്ക് പുറത്തേക്ക് വ്യാപിച്ചതോടെയാണ് ആശങ്കകള് വര്ധിച്ചത്. കൊറോണ വൈറസിനെ അപേക്ഷിച്ച് കുരങ്ങ് പനിയില് മരണ നിരക്ക് പൊതുവെ കുറവാണെന്നത് ആശ്വാസമാണ്. എങ്കിലും എല്ലാവരും ഉറ്റ് നോക്കുന്ന ഒന്ന് കുരങ്ങ് പനിക്കെതിരെ ചികിത്സയുണ്ടോ അല്ലെങ്കില് വാക്സിന് കണ്ടുപിടിച്ചോ എന്നതാണ്.
അമേരിക്ക, യുകെ, ഇസ്രയേല് അടക്കം നിരവധി രാജ്യങ്ങളില് രോഗം സ്ഥിരീകരിച്ചിട്ടുണ്ട്. യുഎഇയിലാണ് അവസാനമായി രോഗം സ്ഥിരീകരിക്കുന്നത്. പനി, പേശി വേദന, ക്ഷീണം, ലിംഫ് ഗ്രന്ഥികളിലെ വീക്കം എന്നിവയാണ് കുരങ്ങ് പനിയുടെ പ്രാഥമിക ലക്ഷണങ്ങള്. ഇതിന് പിന്നാലെ ചിക്കന്പോക്സിന് സമാനമായ രീതിയില് മുഖത്തും ശരീരത്തും കുമിളകള് പ്രത്യക്ഷപ്പെടും
ലോകാരോഗ്യ സംഘടനയുടെ കണക്ക് അനുസരിച്ച് ആഫ്രിക്കന് രാജ്യങ്ങളില് മാത്രം എല്ലാവര്ഷവും ആയിരക്കണക്കിന് കുരങ്ങ് പനിയാണ് ഓരോ വര്ഷവും സ്ഥിരീകരിക്കുന്നത്. യൂറോപ്പിലെ വിവിധ രാജ്യങ്ങളില് കുരങ്ങ് പനി സ്ഥിരീകരിച്ചതോടെ ലോകാരോഗ്യ സംഘടന അടിയന്തിര യോഗം ചേര്ന്നിരുന്നു. കാനഡയ്ക്ക് പിന്നാലെ ബെല്ജിയം, ബ്രിട്ടന്, സ്പെയിന്, സ്വീഡന്, ഓസ്ട്രലിയ എന്നിവിടങ്ങളിലും രോഗം സ്ഥിരീകരിച്ചതോടെയാണ് അടിയന്തിര യോഗം ചേര്ന്നത്. കൊറോണ വൈറസില് നിന്നും വ്യത്യസ്തമായിട്ടാണ് കുരങ്ങ് പനി പടരുന്നതെന്ന് ലോകാരോഗ്യ സംഘടന വ്യക്തമാക്കിയിരുന്നു.
