അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊച്ചിയില് നടിയെ ആക്രമിച്ച കേസ് ഉന്നത സ്വാധീനം ഉപയോഗിച്ച് അട്ടിമറിക്കുന്നുവെന്ന് ആരോപിച്ച് അതിജീവിത സമര്പ്പിച്ച ഹര്ജി ഹൈക്കോടതി സിംഗിള് ബെഞ്ച് ഇന്ന് പരിഗണിക്കും. ജസ്റ്റിസ് സിയാദ് റഹ്മാന്റെ ബെഞ്ചാകും ഇന്ന് കേസ് പരിഗണിക്കുക. ജസ്റ്റിസ് കൗസര് എടപ്പഗത്തിന്റെ ബെഞ്ച് ഇന്നലെ ഹര്ജി പരിഗണിച്ചെങ്കിലും അതിജീവിതയുടെ ആവശ്യത്തെ തുടര്ന്ന് വാദം കേള്ക്കുന്നതില് നിന്നും പിന്മാറിയിരുന്നു.
വരുന്ന തിങ്കളാഴ്ച അധിക കുറ്റപത്രം സമര്പ്പിക്കാനിരിക്കെ കേസ് അട്ടിമറിച്ച ദിലീപിന്റെ അഭിഭാഷകരെ ഒഴിവാക്കിയെന്നും വിചാരണക്കോടതിയുടെ നടപടികളില് പരിശോധന വേണമെന്നുമാണ് അതിജീവിതയുടെ ആവശ്യം. രാഷ്ട്രീയ സമ്മര്ദ്ദത്തിന്റെ പേരില് കേസ് അവസാനിപ്പിക്കാനാണ് അന്വേഷണ സംഘത്തിന്റെ ശ്രമം.
കൂടാതെ ഭരണ മുന്നണിയിലെ ഉന്നതരുമായി ദിലീപിന് അവിശുദ്ധ ബന്ധമുണ്ടെന്നും ഹര്ജിയില് പറയുന്നു. ജുഡീഷ്യല് കസ്റ്റഡിയിലുള്ള ദൃശ്യങ്ങള് ചോര്ന്നതില് വിചാര കോടതി ജഡ്ജിക്കെതിരെ അന്വേഷണം വേണമെന്നും ആവശ്യമുണ്ട്.
