കൂടുതൽ ഉത്പന്നങ്ങളുടെ ഇറക്കുമതി തീരുവ കുറയ്ക്കും;വിലക്കയറ്റം നേരിടാൻ കൂടുതൽ നടപടികൾ

 രാജ്യത്ത് വിലക്കയറ്റം നിയന്ത്രിക്കാൻ  കൂടുതൽ നടപടികൾ കേന്ദ്ര സർക്കാറിന്റെ  പരിഗണനയിൽ. കേന്ദ്രം കൂടുതൽ ഉത്പന്നങ്ങളുടെ ഇറക്കുമതി തീരുവ കുറയ്ക്കും.ഇതുമായി ബന്ധപ്പെട്ട് പ്രധാനമന്ത്രിയുടെ ഓഫീസ് വാണിജ്യ മന്ത്രാലയത്തോട് റിപ്പോർട്ട് തേടി.

 കേന്ദ്രം എക്സൈസ് തീരുവ കുറച്ചതോടെ ഇന്ധന വില കുറഞ്ഞിരുന്നു. പെട്രോൾ വിലയിലുള്ള എക്സൈസ് തീരുവ ലീറ്ററിന് എട്ടു രൂപയും ഡീസൽ ലീറ്ററിന് ആറു രൂപയുമാണ് കുറച്ചത്. ഇതോട വിപണിയിൽ പെട്രോൾ വില ലീറ്ററിന് 9.50 രൂപയും ഡീസൽ വില ഏഴു രൂപയും കുറഞ്ഞു. ആനുപാതികമായി സംസ്ഥാനത്തെ വാറ്റ് നികുതിയും കുറഞ്ഞു.