വി​സ്മ​യ കേ​സ്: സ​മൂ​ഹ​ത്തി​ൽ തു​ല്യ​ത​യെ കു​റി​ച്ച് ബോ​ധ​വ​ത്ക​രി​ക്ക​ണ​മെ​ന്ന് ഗ​വ​ർ​ണ​ർ

തി​രു​വ​ന​ന്ത​പു​രം: വി​സ്മ​യ കേ​സി​ൽ പ്ര​തി​ക്ക് ശി​ക്ഷ ല​ഭി​ച്ചു എ​ന്ന​ത​ല്ല പ്ര​ധാ​ന​പ്പെ​ട്ട കാ​ര്യ​മെ​ന്ന് ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ൻ. കേ​ര​ളീ​യ സ​മൂ​ഹ​ത്തി​ൽ തു​ല്യ​ത​യെ കു​റി​ച്ചു​ള്ള ബോ​ധ​വ​ത്ക​ര​ണ​മാ​ണ് ഏ​റ്റ​വും പ്ര​ധാനം, സ്ത്രീ​ക​ൾ തു​ല്യ പ്രാ​ധാ​ന്യ​മു​ള്ള​വ​രാ​ണെ​ന്നും ഗ​വ​ർ​ണ​ർ പ​റ​ഞ്ഞു.

സ്ത്രീ​ക​ൾ പാ​ർ​ശ്വ​വ​ത്ക​രി​ക്ക​പ്പെ​ട്ടാ​ൽ അ​ത് സ​മൂ​ഹ​ത്തെ ബാ​ധി​ക്കും. സ​മ​സ്ത നേ​താ​വി​ന്‍റെ ഇ​ട​പെ​ട​ൽ ഓ​ർ​മ്മി​പ്പി​ച്ചാ​യി​രു​ന്നു ഗ​വ​ർ​ണ​റു​ടെ പ്ര​തി​ക​ര​ണം. അ​വാ​ർ​ഡ് സ്വീ​ക​രി​ക്കാ​ൻ വ​ന്ന പെ​ൺ​കു​ട്ടി പ്രാ​ഗ​ൽ​ഭ്യം തെ​ളി​യി​ച്ച​താ​ണോ ചെ​യ്ത കു​റ്റ​മെ​ന്ന് അ​ദ്ദേ​ഹം ചോ​ദി​ച്ചു.

ഇ​പ്പോ​ഴും ചി​ല​ർ സ്ത്രീ​ക​ളെ അ​ക​റ്റി നി​ർ​ത്താ​ൻ ശ്ര​മി​ക്കു​ന്നു. സ്ത്രീ​ക​ൾ കൂ​ടു​ത​ൽ തു​ല്യ​ത അ​ർ​ഹി​ക്കു​ന്നു​വെ​ന്ന​ത് സ​ത്യ​മാ​ണ്. ബോ​ധ​വ​ത്ക​ര​ണം ഇ​നി​യും തു​ട​ര​ണം. ഒ​രു കേ​സി​ലെ ന​ട​പ​ടി മാ​ത്രം പോ​രെ​ന്നും ഗ​വ​ർ​ണ​ർ കൂ​ട്ടി​ച്ചേ​ർ​ത്തു.

നിലമേൽ സ്വദേശിനി വിസ്മയ സ്ത്രീധന പീഡനത്തെ തുടർന്ന് ആത്മഹത്യ ചെയ്ത കേസിൽ ഭർത്താവ് കിരൺ കുമാര്‍ കുറ്റക്കാരനെന്ന് കോടതി ഇന്ന് വിധി പ്രസ്താവിച്ചിരുന്നു. ശിക്ഷ നാളെ പ്രഖ്യാപിക്കും. സ്ത്രീധന പീഡനവും ആത്മഹത്യ പ്രേരണയും ഉൾപ്പെടെ വിസ്മയയുടെ ഭർത്താവ്  കിരണിനെതിരെ ചുമത്തിയ പ്രധാന കുറ്റങ്ങളെല്ലാം നില നിൽക്കുന്നതാണെന്ന് കൊല്ലം ജില്ലാ അഡീഷണൽ സെഷൻസ് കോടതി കണ്ടെത്തി.  കിരൺ കുമാറിനെതിരെ പൊലീസ്  ചുമത്തിയ ഏഴ് കുറ്റങ്ങളിൽ അഞ്ചും നിലനിൽക്കുമെന്ന് കോടതി പറഞ്ഞു.