കാ​ഷ്മീ​ർ നി​യ​ന്ത്ര​ണ രേ​ഖ​യി​ൽ മൈനുകൾ പൊട്ടിത്തെറിച്ചതിന് പിന്നിൽ കാട്ടുതീ: റിപ്പോർട്ട്

ജമ്മു: ജമ്മു കശ്മീരിലെ പൂഞ്ച് ജില്ലയിൽ നിയന്ത്രണരേഖയോടു ചേർന്നുകിടക്കുന്ന സ്ഥലങ്ങളിൽ മൈനുകൾ പൊട്ടിത്തെറിച്ചതിനു പിന്നിൽ കാട്ടുതീയെന്ന് റിപ്പോർട്ട്. പൂ​ഞ്ചി​ലെ മെ​ന്ദാ​ർ സെ​ക്ട​റി​ലാ​ണ് സം​ഭ​വം. തിങ്കളാഴ്ച നിയന്ത്രണരേഖയ്ക്ക് അപ്പുറം ആരംഭിച്ച തീ മെന്ധർ സെക്ടറിൽ വച്ച് ഇന്ത്യൻ മേഖലയിലേക്കു കടക്കുകയായിരുന്നുവെന്ന് അധികൃതരെ ഉദ്ധരിച്ച് ദേശീയമാധ്യമങ്ങൾ റിപ്പോർട്ട് ചെയ്തു.
 

നുഴഞ്ഞുകയറ്റം തടയാൻ അതിർത്തിയിൽ സ്ഥാപിച്ചിരുന്ന അരഡസനിലേറെ മൈനുകൾ ഇങ്ങനെ പൊട്ടിത്തെറിച്ചിട്ടുണ്ട്. ‘കഴിഞ്ഞ മൂന്നു ദിവസമായി കാട്ടുതീ പടർന്നു പന്തലിക്കുകയാണ്. വനംവകുപ്പിനൊപ്പം സൈന്യവും ചേർന്നാണ് തീയണയ്ക്കാനുള്ള ശ്രമങ്ങൾ നടത്തുന്നത്. തീ ഒരു വിധം നിയന്ത്രണവിധേയമായതായിരുന്നു. എന്നാൽ ബുധനാഴ്ച രാവിലെ ധരംഷൽ ബ്ലോക്കിലുണ്ടായ തീ കാറ്റിനെത്തുടർന്ന് വലിയ വേഗത്തിൽ വ്യാപിച്ചു’ – വനപാലകനായ കനാർ ഹുസൈൻ ഷാ പറഞ്ഞു.
 
ര​ജൗ​രി ജി​ല്ല​യി​ൽ, അ​തി​ർ​ത്തി​ക്ക​ടു​ത്തു​ള്ള സു​ന്ദ​ർ​ബ​ന്ദി മേ​ഖ​ല​യി​ൽ മ​റ്റൊ​രു വ​ൻ തീ​പി​ടി​ത്ത​മു​ണ്ടാ​യി. ഗം​ഭീ​ർ, നി​ക്ക, പ​ഞ്ച്ഗ്രെ, ബ്ര​ഹ്മ​ന, മൊ​ഗാ​ല തു​ട​ങ്ങി​യ വ​ന​മേ​ഖ​ല​ക​ളി​ലേ​ക്കും തീ ​വ്യാ​പി​ച്ചു. ക​ള​കോ​ട്ട​യി​ലെ ക​ലാ​ർ, റ​ന്ത​ൽ, ചിം​ഗി വ​ന​ങ്ങ​ളി​ലും തീ​പി​ടി​ത്ത​മു​ണ്ടാ​യി.