കൊല്ലത്ത് വാഹനാപകടത്തിൽ ചവറ പഞ്ചായത്ത് പ്രസിഡന്റിന് ദാരുണാന്ത്യം

കൊല്ലം: കൊല്ലത്ത് വാഹനാപകടത്തിൽ പഞ്ചായത്ത് പ്രസിഡന്റ് മരിച്ചു. ചവറ എം.എം.സി ജംഗ്ഷനിൽ ഉണ്ടായ അപകടത്തിൽ ചവറ പഞ്ചായത്ത് പ്രസിഡന്റും ആർഎസ്പി നേതാവുമായ തുളസീധരൻ പിള്ളയാണ് മരിച്ചത്. 

രാത്രി 9.15ന് ദേശീയപാതയിൽ ചവറ എഎംസി ജംക്‌ഷനിലായിരുന്നു അപകടം. തിരുവനന്തപുരത്തേക്ക് പോവുകയായിരുന്ന സൂപ്പർഫാസ്റ്റിൽ ഇദ്ദേഹം സഞ്ചരിച്ചിരുന്ന ബൈക്ക് തട്ടിയാണ് അപകടമുണ്ടായത്.  

  
തുളസീധരൻ പിള്ള സഞ്ചരിച്ചിരുന്ന ബൈക്കിന്റെ ഹാൻഡിലിൽ ബസ് തട്ടിയതോടെ നിയന്ത്രണം വിട്ട് ബസിനടിയിലേക്കു വീഴുകയായിരുന്നെന്നു പൊലീസ് പറഞ്ഞു. സംഭവ സ്ഥലത്തുതന്നെ മരണം സംഭവിച്ചു.