ജ​മ്മു കാ​ഷ്മീ​രി​ൽ ഏ​റ്റു​മു​ട്ട​ൽ; മൂ​ന്ന് ഭീ​ക​ര​രെ വ​ധി​ച്ചു

 
ശ്രീ​ന​ഗ​ർ: ജ​മ്മു കാ​ഷ്മീ​രി​ലെ അ​ന​ന്ത്നാ​ഗി​ലു​ണ്ടാ​യ ഏ​റ്റു​മു​ട്ട​ലി​ൽ സു​ര​ക്ഷാ​സേ​ന മൂ​ന്ന് ഭീ​ക​ര​രെ വ​ധി​ച്ചു. ഹി​സ്ബു​ൾ മു​ജാ​ഹി​ദീ​ൻ ഭീ​ക​ര​ൻ അ​ഷ്റ​ഫ് മോ​ൽ​വി ഉ​ൾ​പ്പെ​ടെ​യാ​ണ് കൊ​ല്ല​പ്പെ​ട്ട​ത്.  ഇയാൾ വർഷങ്ങളായി മേഖല കേന്ദ്രീകരിച്ച് ഭീകരപ്രവർത്തനം നടത്തുകയായിരുന്നുവെന്നാണ് സുരക്ഷ സേന അറിയിക്കുന്നത്.

അമർനാഥ് യാത്രയ്ക്കായുള്ള റൂട്ടിലാണ് ഏറ്റുമുട്ടൽ. ഈ റൂട്ടിന്റെ സുരക്ഷ സംവിധാനങ്ങൾ സൈന്യം വിലയിരുത്തി വരുന്നതിനിടെയാണ് ഇവിടെ ഭീകരർ ഒളിച്ചിരിക്കുന്നതായി രഹസ്യവിവരം ലഭിച്ചത്. പിന്നാലെ നടന്ന തെരച്ചിലിനിടെയാണ് ഏറ്റുമുട്ടൽ നടന്നത്. അമർനാഥ് യാത്ര അട്ടിമറിക്കാനുള്ള ഭീകരുടെ നീക്കത്തിന് നൽകിയ കനത്ത തിരിച്ചടിയാണിതെന്ന് സൈന്യം അറിയിച്ചു. 

ക​ഴി​ഞ്ഞ ദി​വ​സം അ​ന​ന്ത​നാ​ഗി​ൽ നി​ന്നും ഹി​സ്ബു​ൾ ഭീ​ക​ര​നെ സു​ര​ക്ഷാ സേ​ന പി​ടി​കൂ​ടി​യി​രു​ന്നു. ക​ഴി​ഞ്ഞ ആ​ഴ്ച​യും കാ​ഷ്മീ​രി​ൽ​നി​ന്നും സൈ​ന്യം ഭീ​ക​ര​രെ വ​ധി​ച്ചി​രു​ന്നു.