അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കാസർകോട് :കരിച്ചേരി പുഴയിൽ കുണ്ടംകുഴി തോണിക്കടവ് ചൊട്ടയിൽ മൂന്നുപേർ മുങ്ങിമരിച്ചു.കുണ്ടംകുഴി ഗദ്ധേമൂലയിലെ ചന്ദ്രാജിയുടെ മകൻ നിധിൻ (38), ഭാര്യ കർണാടക സ്വദേശിനി ദീക്ഷ (30 ), ഇവരുടെ ബന്ധു മനീഷ് ( 15) എന്നിവരാണ് മരിച്ചത്. നിധിന്റെ വീട്ടിൽ വിരുന്നുവന്ന കർണാടകയിൽ നിന്നുള്ള പത്തംഗ സംഘം കുളിക്കാൻ ഇറങ്ങിയപ്പോഴാണ് തിങ്കളാഴ്ച വൈകുന്നേരം ദുരന്തമുണ്ടായത്.
ദീക്ഷ ചുഴിയിൽ അകപ്പെട്ടതുകണ്ട് രക്ഷിക്കാനുള്ള ശ്രമത്തിൽ മറ്റു രണ്ടു പേർ മുങ്ങിപ്പോവുകയായിരുന്നു.പൊലീസും അഗ്നിസുരക്ഷാ സേനയും ചേർന്ന് നടത്തിയ തെരച്ചിലിൽ മനീഷിന്റെ മൃതദേഹമാണ് ആദ്യം കിട്ടിയത്.രണ്ട് മൃതദേഹങ്ങൾ ഇന്ന് കണ്ടെടുത്തു.
