സാ​മ്പ​ത്തി​ക പ്ര​തി​സ​ന്ധി​യി​ൽ ഉ​ഴ​റു​ന്ന ശ്രീ​ല​ങ്ക​യി​ൽ നടക്കുന്ന തെ​രു​വ് പ്ര​തി​ഷേ​ധം തി​ങ്ക​ളാ​ഴ്ച 17ാം ദി​വ​സ​ത്തി​ലേ​ക്ക് ക​ട​ന്നു

കൊ​ളം​ബോ: സാ​മ്പ​ത്തി​ക പ്ര​തി​സ​ന്ധി​യി​ൽ ഉ​ഴ​റു​ന്ന ശ്രീ​ല​ങ്ക​യി​ൽ പ്ര​സി​ഡ​ന്റ് ഗോ​ട​ബ​യ രാ​ജ​പ​ക്‌​സെ​യു​ടെ​യും പ്ര​ധാ​ന​മ​ന്ത്രി മ​ഹി​ന്ദ രാ​ജ​പ​ക്‌​സെ​യു​ടെ​യും രാ​ജി ആ​വ​ശ്യ​പ്പെ​ട്ട് പ്ര​സി​ഡ​ൻ​ഷ്യ​ൽ സെ​ക്ര​ട്ടേ​റി​യ​റ്റി​ന് എ​തി​ർ​വ​ശ​ത്തു​ള്ള തെ​രു​വ് പ്ര​തി​ഷേ​ധം തി​ങ്ക​ളാ​ഴ്ച 17ാം ദി​വ​സ​ത്തി​ലേ​ക്ക് ക​ട​ന്നു.

ഭ​ര​ണ​ക​ക്ഷി​ക​ൾ പ്ര​തി​പ​ക്ഷ പാ​ർ​ട്ടി​ക​ളു​മാ​യും പ്ര​തി​ഷേ​ധ​ക്കാ​രു​മാ​യും ച​ർ​ച്ച ന​ട​ത്തി​യെ​ങ്കി​ലും സ​ർ​ക്കാ​ർ രാ​ജി​വെ​ക്ക​ണ​മെ​ന്ന ആ​വ​ശ്യ​ത്തി​ൽ പ്ര​ക്ഷോ​ഭ​ക​ർ ഉ​റ​ച്ചു​നി​ന്ന​തി​നാ​ൽ ച​ർ​ച്ച അ​ല​സി. സാ​മ്പ​ത്തി​ക പ്ര​തി​സ​ന്ധി പ​രി​ഹ​രി​ക്കാ​ൻ കു​റ​ഞ്ഞ​ത് 400 കോ​ടി യു.​എ​സ് ഡോ​ള​റെ​ങ്കി​ലും ആ​വ​ശ്യ​മാ​ണ്. സാ​മ്പ​ത്തി​ക സ​ഹാ​യ​ത്തി​നാ​യി ലോ​ക​ബാ​ങ്ക് പോ​ലു​ള്ള അ​ന്താ​രാ​ഷ്ട്ര സ്ഥാ​പ​ന​ങ്ങ​ളു​മാ​യും ചൈ​ന, ജ​പ്പാ​ൻ തു​ട​ങ്ങി​യ രാ​ജ്യ​ങ്ങ​ളു​മാ​യും ച​ർ​ച്ച​ക​ൾ ന​ട​ക്കു​ക​യാ​ണ്.

അ​ന്താ​രാ​ഷ്ട്ര നാ​ണ​യ നി​ധി​യു​മാ​യി ച​ർ​ച്ച​ക്ക് ശ്രീ​ല​ങ്ക​ൻ ഉ​ദ്യോ​ഗ​സ്ഥ​ർ ക​ഴി​ഞ്ഞ ആ​ഴ്ച വാ​ഷി​ങ്ട​ണി​ൽ പോ​യി. അ​തി​നി​ടെ, ഇ​ട​ക്കാ​ല സ​ർ​ക്കാ​ർ രൂ​പ​വ​ത്ക​രി​ക്കാ​ൻ ശ്രീ​ല​ങ്ക​ൻ പ്ര​സി​ഡ​ന്റ് ഗോ​ട​ബ​യ രാ​ജ​പ​ക്‌​സെ സ​മ്മ​തി​ച്ച​താ​യി മു​തി​ർ​ന്ന ബു​ദ്ധ​സ​ന്യാ​സി തി​ങ്ക​ളാ​ഴ്ച അ​വ​കാ​ശ​പ്പെ​ട്ടു.

ഇ​ട​ക്കാ​ല സ​ർ​ക്കാ​ർ രൂ​പ​വ​ത്ക​രി​ക്കാ​ൻ മ​ന്ത്രി​സ​ഭ​യെ പി​രി​ച്ചു​വി​ടാ​ൻ രാ​ജ​പ​ക്‌​സെ​യോ​ട് ആ​വ​ശ്യ​പ്പെ​ട്ട് ഏ​പ്രി​ൽ നാ​ലി​ന് നാ​ല് ബു​ദ്ധ​മ​ത സ​ന്യാ​സി വി​ഭാ​ഗ​ങ്ങ​ളു​ടെ മു​ഖ്യ സ​ന്യാ​സി​മാ​ർ അ​യ​ച്ച ക​ത്തി​നു​ള്ള മ​റു​പ​ടി​യി​ലാ​ണി​തു​ള്ള​തെ​ന്ന് ഒ​രു വി​ഭാ​ഗ​ത്തി​ന്റെ ചീ​ഫ് ര​ജി​സ്ട്രാ​ർ മ​ദ​ഗോ​ഡ ധ​മ്മാ​ന​ന്ദ പ​റ​ഞ്ഞു. അ​നു​കൂ​ല പ്ര​തി​ക​ര​ണ​മി​ല്ലെ​ങ്കി​ൽ സ​ർ​ക്കാ​ർ വി​രു​ദ്ധ ശാ​സ​ന പു​റ​പ്പെ​ടു​വി​ക്കു​മെ​ന്ന് സ​ന്യാ​സി​മാ​ർ ഭീ​ഷ​ണി​പ്പെ​ടു​ത്തി​യി​രു​ന്നു.