അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മുഖ്യമന്ത്രി പിണറായി വിജയൻ തുടർചികിത്സകൾക്കായി ഇന്ന് രാവിലെ അമേരിക്കയിലേക്ക് പുറപ്പെട്ടു. മിനസോട്ടയിലെ മയോ ക്ലിനിക്കിലെ ചികിത്സയ്ക്ക് വേണ്ടിയാണ് മുഖ്യമന്ത്രി വീണ്ടും അമേരിക്കയിലെത്തുന്നത്. ഇത് മൂന്നാംതവണയാണ് അദ്ദേഹത്തിന്റെ യാത്ര. 18 ദിവസത്തേക്കാണ് ചികിത്സ ഷെഡ്യൂൾ ചെയ്തിരിക്കുന്നത്.
കഴിഞ്ഞ ജനുവരി മാസത്തില് മയോക്ലിനിക്കില് നടത്തിയ ചികിത്സയുടെ തുടര്ച്ചയ്ക്കായാണ് പിണറായി വിജയന് വീണ്ടും അമേരിക്കയിലെത്തുന്നത്.ഇക്കഴിഞ്ഞ ജനുവരി മാസം 11 മുതല് 27 വരെയായിരുന്നു അമേരിക്കയിലെ മയോ ക്ലിനിക്കില് മുഖ്യമന്ത്രി ചികിത്സ തേടിയത്. ഇക്കുറി എത്ര ദിവസം ചികിത്സ ഉണ്ടാകുമെന്നത് സംബന്ധിച്ച ഔദ്യോഗിക തീരുമാനം ഇനിയും വന്നിട്ടില്ല. മുഖ്യമന്ത്രിയുടെ ചുമതല മറ്റാര്ക്കും കൈമാറാതെയായിരുന്നു പിണറായി അമേരിക്കയില് ഇതുവരെ ചികിത്സ തേടിയിട്ടുള്ളത്.
