അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കെജിഎഫ് 2 മൂന്ന് മണിക്കൂർ പീഡനമാണ് ,അതിൽ മുഴുവൻ തല പെരുക്കുന്ന സംഭാഷണങ്ങൾ മാത്രമാണെന്നും നടനും സിനിമാ നിരൂപകനുമായ കമാൽ ആർ. ഖാന്റെ ട്വീറ്റ്.കെജിഎഫ് 2 സിനിമയെന്ന പേരിൽ പൈസ കളയാൻ എടുത്ത ചിത്രമാണ്. റോക്കിക്കെതിരെ ഒന്നും ചെയ്യാൻ ഇന്ത്യൻ മിലിട്ടറിക്കോ എയർഫോഴ്സിനോ കഴിയുന്നില്ല. പ്രധാനമന്ത്രിയുടെ ഓഫിസിലെത്തി അവരെ വരെ റോക്കി വെല്ലുവിളിക്കുന്നു. ഇങ്ങനെയാണെങ്കിൽ ഇന്ത്യ എങ്ങനെ പാക്കിസ്ഥാനെയും ചൈനയെയും നേരിടും എന്നും കെആർകെ ആക്ഷേപ രൂപേണ ചോദിച്ചത്.
കെആർകെയുടെ ട്വീറ്റ് വൈറലായതോടെ ചിത്രത്തിന്റെ ആരാധകർ അദ്ദേഹത്തെ വളഞ്ഞിട്ട് ആക്രമിച്ചു. സിനിമയെ താറടിച്ചുകാണിക്കുകയാണ് കെആർകെയെന്നും അദ്ദേഹത്തെ അറസ്റ്റ് ചെയ്യണമെന്നും കെജിഎഫ് ആരാധകരുടെ ട്വീറ്റ് . മുംബൈ പൊലീസിനെ ട്വിറ്ററിൽ ടാഗ് ചെയ്ത് ഈ ദേശദ്രോഹിയെ അറസ്റ്റ് ചെയ്യണമെന്ന ആവശ്യവും ആരാധകർ ഉന്നയിച്ചു.
രാജമൗലി ചിത്രം ‘ആർആർആർ’നെതിരെ രൂക്ഷ വിമർശനവുമായി കമാൽ ആർ എത്തിയിരുന്നു. കാർട്ടൂൺ ചിത്രങ്ങൾ പോലെയാണ് രാജമൗലി ചിത്രങ്ങളെന്നായിരുന്നു കമാലിന്റെ പരിഹാസം. പ്രേക്ഷകർക്ക് വിവരമില്ലാത്തതുകൊണ്ടാണ് ‘ആർആർആർ’ വിജയമായതെന്നും അദ്ദേഹം അന്ന് പറഞ്ഞിരുന്നു.
