അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കെജിഎഫ് ചാപ്റ്റര്‍ രണ്ടിന് ആവേശം കൂട്ടാനായി കെജിഎഫ് ചാപ്റ്റര്‍ 1 റീറിലീസ് ഒരുങ്ങുകയാണ്. ഇന്ത്യയിലെ പ്രധാന നഗരങ്ങളിലെ തെരഞ്ഞെടുത്ത തിയേറ്ററുകളില്‍ കെജിഎഫ് ചാപ്റ്റര്‍ ഒന്ന് ആവേശത്തോടെ ഒരിക്കല്‍ കൂടി കാണാൻ കഴിയും. ബോക്‌സ്ഓഫീസ് തകര്‍ത്തോടിയ ചിത്രമായ കെജിഎഫിന്റെ രണ്ടാം പതിപ്പ് ഉടൻ പുറത്തിറങ്ങാനിരിക്കെയാണ് റോക്കിയുടെ ആരാധകര്‍ക്കായി ഈ സര്‍പ്രൈസും അണിയറ പ്രവർത്തകർ പുറത്തുവിട്ടത് .
കുറഞ്ഞ നിരക്ക് മാത്രമേ പ്രദര്‍ശനത്തിന് ഈടാക്കുകയുള്ളൂവെന്ന് ചിത്രത്തിന്റെ അണിയറ പ്രവര്‍ത്തകര്‍ അറിയിച്ചു. ഏപ്രില്‍ 14നാണ് കെജിഎഫ് ചാപ്റ്റര്‍ 1 റീറിലീസ് ചെയ്യുക.ജൂലൈ 16നാണ് കെജിഎഫ് ചാപ്റ്റര്‍ 2 റിലീസ് ചെയ്യുന്നത്. പൃഥ്വിരാജ് പ്രൊഡക്ഷന്‍സാണ് കേരളത്തില്‍ ചിത്രം വിതരണം ചെയ്യുന്നത്.
പ്രശാന്ത് നീല്‍ സംവിധാനം ചെയ്ത ചിത്രത്തില്‍ കേന്ദ്രകഥാപാത്രമായി എത്തുന്നത് യഷാണ്. കന്നഡ ചിത്രത്തില്‍ നിര്‍മിക്കുന്ന സിനിമ ഹിന്ദി, മലയാളം, തമിഴ്, തെലുങ്ക് ഭാഷകളിലേക്കും മൊഴി മാറ്റം ചെയ്യും.ചിത്രത്തില്‍ ബോളിവുഡ് താരം സഞ്ജയ് ദത്ത്, സ്രിനിധി ദേശായ്, ആനന്ത് നാഗ്, മാളവിക അവിനാശ്, പ്രകാശ് രാജ്, രവീണ ടാന്‍ഡന്‍ എന്നിവരും വേഷമിടുന്നുണ്ട്.
