അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കാലടി: ശ്രീ ശങ്കരാചാര്യ സംസ്കൃത സര്വ്വകലാശാലയുടെ മുഖ്യകേന്ദ്രത്തിലും വിവിധ പ്രാദേശിക ക്യാമ്ബസുകളിലും 2022-2023 അദ്ധ്യയന വര്ഷത്തെ എം.എ., എം. എസ്സി., എം. എസ്. ഡബ്ല്യു., എം. എഫ്. എ., എം. പി. ഇ. എസ്., പി. ജി. ഡിപ്ലോമ പ്രോഗ്രാമുകളിലേക്ക് അപേക്ഷ ക്ഷണിച്ചു.
പ്രവേശന പരീക്ഷകള് മെയ് അഞ്ച് മുതല് 11 വരെ, സര്വ്വകലാശാലയുടെ മുഖ്യകേന്ദ്രത്തിലും വിവിധ പ്രാദേശിക ക്യാമ്ബസുകളിലും നടക്കും. മെയ് 21ന് റാങ്ക് ലിസ്റ്റ് പ്രസിദ്ധീകരിക്കും. ഏതെങ്കിലും വിഷയത്തില് ബിരുദം നേടിയവര്ക്ക് എം. എ./എം. എസ്സി./എം. എസ്. ഡബ്ല്യു. കോഴ്സുകളിലേയ്ക്ക് അപേക്ഷിക്കാം. അവസാന വര്ഷ പരീക്ഷ എഴുതുന്നവര്ക്കും ഫലം കാത്തിരിക്കുന്നവര്ക്കും അപേക്ഷിക്കാം. അപേക്ഷ സമര്പ്പിക്കേണ്ട അവസാന തീയതി ഏപ്രില് 22.
പി. ജി. പ്രോഗ്രാമുകള്
എം. എ. – സംസ്കൃതം സാഹിത്യം, സംസ്കൃതം വേദാന്തം, സംസ്കൃതം വ്യാകരണം, , സംസ്കൃതം ന്യായം, സംസ്കൃതം ജനറല്, സംസ്കൃതം വേദിക് സ്റ്റഡീസ്, മലയാളം, ഹിന്ദി, ഇംഗ്ലീഷ് ലാംഗ്വേജ് ആന്ഡ് ലിറ്ററേച്ചര്, ഹിസ്റ്ററി, ഫിലോസഫി, മ്യൂസിക്, ഡാന്സ് – ഭരതനാട്യം, ഡാന്സ് – മോഹിനിയാട്ടം, തിയറ്റര്, കംപാരറ്റീവ് ലിറ്ററേച്ചര് ആന്റ് ലിംഗ്വിസ്റ്റിക്സ്, ഉര്ദ്ദു, അറബിക്, സോഷ്യോളജി, മ്യൂസിയോളജി.
എം. എസ്സി. – സൈക്കോളജി, ജ്യോഗ്രഫി.
എം. എസ്. ഡബ്ല്യു. (മാസ്റ്റര് ഓഫ് സോഷ്യല് വര്ക്ക്)
എം. എഫ്. എ. (മാസ്റ്റര് ഓഫ് ഫൈന് ആര്ട്സ് – വിഷ്വല് ആര്ട്സ്)
എം.പി.ഇ.എസ്. (മാസ്റ്റര് ഓഫ് ഫിസിക്കല് എഡ്യുക്കേഷന് ആന്റ് സ്പോര്ട്സ്)
പി .ജി. ഡിപ്ലോമ പ്രോഗ്രാമുകള്
പി. ജി. ഡിപ്ലോമ ഇന് ട്രാന്സലേഷന് ആന്റ് ഓഫീസ് പ്രൊസീഡിംഗ്സ് ഇന് ഹിന്ദി
പി .ജി. ഡിപ്ലോമ ഇന് വെല്നസ് ആന്ഡ് സ്പാ മാനേജ്മെന്റ്
പ്രവേശനം എങ്ങനെ?
പ്രവേശന പരീക്ഷയുടെയും അഭിമുഖത്തിന്റെയും അടിസ്ഥാനത്തിലായിരിക്കും എം.എ., എം.എസ്സി., എം.എസ്. ഡബ്ല്യൂ. കോഴ്സുകളിലേക്കുള്ള അഡ്മിഷന്. ഈ സര്വ്വകലാശാലയില് നിന്നും ബിരുദം നേടിയവര്ക്കോ സര്വ്വകലാശാല അംഗീകരിക്കുന്ന മറ്റു സര്വ്വകലാശാലകളില് നിന്നും ബിരുദം (10+ 2+ 3 പാറ്റേണ്) കരസ്ഥമാക്കിയവര്ക്കോ അപേക്ഷിക്കാം.
ബി. എ. പ്രോഗ്രാമിന്റെ ചോയ്സ് ബേസ്ഡ് ക്രെഡിറ്റ് ആന്ഡ് സെമസ്റ്റര് സിസ്റ്റം പ്രകാരം എല്ലാ കോഴ്സുകളും പൂര്ത്തിയായവര്ക്കും ഒന്ന് മുതല് നാല് സെമസ്റ്ററുകള് വിജയിച്ച് (എട്ട് സെമസ്റ്റര് പ്രോഗ്രാമിന് ഒന്ന് മുതല് ആറ് സെമസ്റ്ററുകള് വിജയിച്ച്) 2022 ഏപ്രില് / മെയ് മാസങ്ങളില് അവസാന സെമസ്റ്റര് പരീക്ഷ എഴുതുന്നവര്ക്കും അപേക്ഷിക്കാം.
ഇവര് 31.08.2022 ന് മുന്പായി അവസാന വര്ഷ ഡിഗ്രി ഗ്രേഡ് ഷീറ്റ്, പ്രൊവിഷണല് ഡിഗ്രി സര്ട്ടിഫിക്കറ്റ് എന്നിവ ഹാജരാക്കണം. മ്യൂസിക്, ഡാന്സ്, തിയറ്റര് എന്നീ പി. ജി. പ്രാഗ്രാമുകളിലേയ്ക്ക് അപേക്ഷിക്കുന്നവര്ക്ക് എഴുത്തുപരീക്ഷ കൂടാതെ അഭിരുചി പരീക്ഷയും പ്രായോഗിക പരീക്ഷയും ഉണ്ടായിരിക്കും.
എം. എസ്. ഡബ്ല്യു. പ്രോഗ്രാം: ശ്രീ ശങ്കരാചാര്യ സംസ്കൃത സര്വ്വകലാശാല അംഗീകരിച്ച സര്വ്വകലാശാലയില് നിന്നും ഏതെങ്കിലും വിഷയത്തില് ബിരുദം നേടിയവര്ക്ക് അപേക്ഷിക്കാം.
സോഷ്യല് വര്ക്ക് അഡ്മിഷന് ടെസ്റ്റ് (SWAT) വഴിയായിരിക്കും എം. എസ്. ഡബ്ല്യു. കോഴ്സുകളിലേക്കുളള പ്രവേശനം. സോഷ്യല് വര്ക്കില് ബിരുദം നേടിയവര്ക്ക് പ്രവേശന പരീക്ഷയുടെ മാര്ക്കില് 10% വെയ്റ്റേജ് ലഭിക്കും.
എം. എഫ്. എ. പ്രോഗ്രാം: ശ്രീ ശങ്കരാചാര്യ സംസ്കൃത സര്വ്വകലാശാല അംഗീകരിച്ച ഏതെങ്കിലും സര്വ്വകലാശാലയില് നിന്നും 55% മാര്ക്കോടെ ഫൈന് ആര്ട്സില് ബിരുദം നേടിയവര്ക്ക് അപേക്ഷിക്കാം. പ്രവേശന പരീക്ഷയുടെയും അഭിരുചി പരീക്ഷയുടെയും അടിസ്ഥാനത്തിലാണ് പ്രവേശനം.
എം. പി. ഇ. എസ്. പ്രോഗ്രാം: ശ്രീ ശങ്കരാചാര്യ സംസ്കൃത സര്വ്വകലാശാല അംഗീകരിച്ച ഏതെങ്കിലും സര്വ്വകലാശാലയില് നിന്നും 50% മാര്ക്കോടെ ഫിസിക്കല് എഡ്യൂക്കേഷനില് ബിരുദം (ബി. പി. ഇ./ബി.പി.എഡ്./ബി. പി.ഇ.എസ്.) നേടിയവര്ക്ക് അപേക്ഷിക്കാം.
പ്രവേശന പരീക്ഷ, ഗെയിം പ്രൊഫിഷ്യന്സി, ഫിസിക്കല് ഫിറ്റ്നസ് ടെസ്റ്റ്, സ്പോട്സില് കൈവരിച്ച നേട്ടങ്ങള് എന്നിവയുടെ അടിസ്ഥാനത്തിലാണ് പ്രവേശനം. പ്രവേശന പരീക്ഷയുടെ സിലബസ് ഫിസിക്കല് എഡ്യുക്കേഷനിലെ ബിരുദകോഴ്സ് അടിസ്ഥാനമാക്കിയായിരിക്കും.
പി. ജി. ഡിപ്ലോമ ഇന് ട്രാന്സ്ലേഷന് ആന്ഡ് ഓഫീസ് പ്രൊസീഡിംഗ്സ് ഇന് ഹിന്ദി: ശ്രീ ശങ്കരാചാര്യ സംസ്കൃത സര്വ്വകലാശാല അംഗീകരിച്ച ഏതെങ്കിലും സര്വ്വകലാശാലയില് നിന്നും ഏതെങ്കിലും വിഷയത്തില് ബിരുദം നേടിയവര്ക്ക് അപേക്ഷിക്കാം. പ്രവേശനത്തിന് വയസ്സ് നിബന്ധനകളില്ല.
പി. ജി. ഡിപ്ലോമ ഇന് വെല്നസ് ആന്ഡ് സ്പാ മാനേജ്മെന്റ്: സെന്ട്രല് കൗണ്സില് ഓഫ് ഇന്ത്യന് മെഡിസിന് അംഗീകരിച്ച സ്ഥാപനങ്ങളില് നിന്നും ബി. എ. എം. എസ്. ബിരുദവും ബന്ധപ്പെട്ട സംസ്ഥാനത്തെ കൗണ്സില്/ബോര്ഡില് നിന്നും സ്ഥിരം രജിസ്ട്രേഷന് നേടിയവര്ക്ക് അപേക്ഷിക്കാം.
ഉയര്ന്ന പ്രായപരിധി 35 വയസ്സ്. ബിരുദ തലത്തില് നേടിയ മാര്ക്ക്, സംഘചര്ച്ച, ഫിസിക്കല് ഫിറ്റ്നസ്, അഭിമുഖം എന്നിവയുടെ അടിസ്ഥാനത്തിലായിരിക്കും പ്രവേശനം. അവസാന തിയതി ഏപ്രില് 22.
ബിരുദാനന്തര ബിരുദ പ്രോഗ്രാമുകള്ക്ക് അപേക്ഷിക്കാന് ആഗ്രഹിക്കുന്നവര് 22.04.2022 ന് മുമ്ബായി ഓണ്ലൈനില് അപേക്ഷ സമര്പ്പിക്കണം. ഓണ്ലൈന് അപേക്ഷയുടെ പ്രിന്റഡ് കോപ്പി, യോഗ്യത തെളിയിക്കുന്ന സര്ട്ടിഫിക്കറ്റ്, ജാതി/മതം എന്നിവ തെളിയിക്കുന്ന സര്ട്ടിഫിക്കറ്റിന്റെ പകര്പ്പുകളും അസ്സലുകളും സഹിതം അതാത് വകുപ്പ് മേധാവികള്, കോഴ്സുകള് നടത്തപ്പെടുന്ന റീജിയണല് ക്യാമ്ബസ് ഡയറക്ടര്മാര് എന്നിവര്ക്ക് അഡ്മിഷന് സമയത്ത് സമര്പ്പിക്കേണ്ടതാണ്.
പ്രവേശന പരീക്ഷ ഫീസ് ഓണ്ലൈനായി അടയ്ക്കാവുന്നതാണ്. ഒന്നില് കൂടുതല് പി. ജി പ്രോഗ്രാമുകള്ക്ക് അപേക്ഷിക്കുന്നവര് ഓരോ പി. ജി. പ്രോഗ്രാമിനും പ്രത്യേകം പ്രവേശന പരീക്ഷ ഫീസ് അടയ്ക്കേണ്ടതാണ്.
വിശദവിവരങ്ങള്ക്കും ഓണ്ലൈനില് അപേക്ഷിക്കുന്നതിനും https://www.ssus.ac.in സന്ദര്ശിക്കുക.
