അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഉന്നതവിദ്യാഭ്യാസരംഗത്തും ഗവേഷണ മേഖലകളിലും കരിയർ ആഗ്രഹിക്കുന്നവർക്കായി നാഷണൽ ടെസ്റ്റിങ് ഏജൻസി (എൻ.ടി.എ.) നടത്തുന്ന യു.ജി.സി. നെറ്റ് ഡിസംബർ 2026 സെഷനിലേക്ക് അപേക്ഷകൾ ക്ഷണിച്ചു. അസിസ്റ്റന്റ് പ്രൊഫസർ യോഗ്യത, ജൂനിയർ റിസർച്ച് ഫെലോഷിപ്പ് (ജെ.ആർ.എഫ്.), പിഎച്ച്.ഡി. പ്രവേശനം എന്നിവ നിർണയിക്കാനാണ് ഈ ദേശീയതല പരീക്ഷ നടത്തുന്നത്.
പരീക്ഷാ തീയതികളും വിഷയങ്ങളും: മലയാളം ഉൾപ്പെടെ 87 വിഷയങ്ങളിലാണ് പരീക്ഷ. കംപ്യൂട്ടർ അധിഷ്ഠിത പരീക്ഷയായി ഡിസംബർ 14 മുതൽ 19 വരെയാണ് പരീക്ഷ നടക്കുന്നത്.
അപേക്ഷിക്കേണ്ട വിധം: ഉദ്യോഗാർത്ഥികൾക്ക് ugcnet.nta.nic.in വഴി ഒക്ടോബർ 28-ന് രാത്രി 11.50 വരെ ഓൺലൈനായി അപേക്ഷിക്കാം. ₹500 ലേറ്റ് ഫീയോടെ ഒക്ടോബർ 31 രാത്രി 11.50 വരെയും അപേക്ഷ സ്വീകരിക്കും.
യോഗ്യത: ബന്ധപ്പെട്ട വിഷയത്തിൽ കുറഞ്ഞത് 55 ശതമാനം മാർക്കോടെ മാസ്റ്റേഴ്സ് ബിരുദം നേടിയവർക്ക് അപേക്ഷിക്കാം. (സംവരണ വിഭാഗങ്ങൾക്കും ട്രാൻസ്ജെൻഡർ വിഭാഗങ്ങൾക്കും 50 ശതമാനം മാർക്ക് മതിയാകും). ബിരുദാനന്തര ബിരുദ ഫൈനൽ വർഷ വിദ്യാർഥികൾക്കും 75 ശതമാനം മാർക്കോടെ 4 വർഷത്തെ ഓണേഴ്സ് ബിരുദം പൂർത്തിയാക്കിയവർക്കും അപേക്ഷിക്കാൻ അർഹതയുണ്ട്.
