ആന്ധ്രാപ്രദേശിലെ ബസ്സപകടം: ദുരന്തത്തിനിരയായവർക്ക് ആശ്വാസധനം പ്രഖ്യാപിച്ച് പ്രധാനമന്ത്രി

ന്യൂഡെൽഹി: ആന്ധ്രാപ്രദേശിലെ ചിറ്റൂരിൽ ഉണ്ടായ ദാരുണമായ ബസ് അപകടത്തിലെ  ജീവഹാനിയിൽ പ്രധാനമന്ത്രി നരേന്ദ്ര മോദി ദുഃഖം രേഖപ്പെടുത്തി.

അപകടത്തിൽ  മരണമടഞ്ഞവരുടെ  അടുത്ത ബന്ധുക്കൾക്ക് 2 ലക്ഷം രൂപ വീതവും,  പരിക്കേറ്റവർക്ക് അൻപതിനായിരം  രൂപ വീതവും പ്രധാനമന്ത്രിയുടെ ദുരിതാശ്വാസ നിധിയിൽ നിന്ന് അനുവദിച്ചു. 

“ആന്ധ്രാ  പ്രദേശിലെ ചിറ്റൂരിൽ ഉണ്ടായ ദാരുണമായ ബസ് അപകടത്തിൽ ജീവൻ നഷ്ടപ്പെട്ടതിൽ വേദനയുണ്ട്. മരിച്ചവരുടെ കുടുംബങ്ങൾക്ക് അനുശോചനം അറിയിക്കുന്നു. പരിക്കേറ്റവർ ഉടൻ സുഖം പ്രാപിക്കുമെന്ന് ഞാൻ പ്രതീക്ഷിക്കുന്നു.
 മരിച്ചവരുടെ അടുത്ത ബന്ധുക്കൾക്ക്  പ്രധാനമന്ത്രിയുടെ ദുരിതാശ്വാസ നിധിയിൽ നിന്ന്  2 ലക്ഷം രൂപ വീതവും, പരിക്കേറ്റവർക്ക് അൻപതിനായിരം  രൂപ വീതവും നൽകും : പ്രധാനമന്ത്രി നരേന്ദ്ര മോദി .”, പ്രധാനമന്ത്രിയുടെ ഓഫീസ് ട്വീറ്റ് ചെയ്തു