ആലുവ മണപ്പുറത്ത് കച്ചവടക്കാർ ത​മ്മി​ല​ടി; ഒരാൾ കൊല്ലപ്പെട്ടു

ആ​ലു​വ: ആലുവ മണപ്പുറത്ത് കച്ചവടത്തിനെത്തിയവർ തമ്മിലുണ്ടായ ഏറ്റുമുട്ടലിൽ ഒരാൾ കൊല്ലപ്പെട്ടു. തോട്ടയ്ക്കാട്ടുകരയിൽ താമസിക്കുന്ന ദിലീപാണ് (42) മരിച്ചത്. കളിപ്പാട്ട കച്ചവടത്തിനെത്തിയ രാജുവും സലീമും ചേർന്നാണ് ദിലീപിനെ ക്രൂരമായി മർദ്ദിച്ചത്.

ചൊവ്വാഴ്ച രാ​വി​ലെ 11.30ഓ​ടെ​യാ​യി​രു​ന്നു സം​ഭ​വം. സം​ഭ​വ​ത്തി​ൽ ആ​ലു​വ ഓ​ൾ​ഡ് ദേ​ശം റോ​ഡി​ലെ മാ​ളി​യേ​ക്ക​ൽ സ​ലിം (57), ക​ട​വ​ന്ത്ര ഉ​ദ​യ്ന​ഗ​ർ കോ​ള​നി​യി​ൽ താ​മ​സി​ക്കു​ന്ന രാ​ജ്കു​മാ​ർ (രാ​ജു-68) എ​ന്നി​വ​രെ ആ​ലു​വ പോ​ലീ​സ് അ​റ​സ്റ്റ് ചെ​യ്തു. മ​രി​ച്ച​യാ​ളും പ്ര​തി​ക​ളും ത​മി​ഴ്നാ​ട് സ്വ​ദേ​ശി​ക​ളാ​ണ്.

മ​ണ​പ്പു​റ​ത്ത് കു​ട്ടി​ക​ളു​ടെ ക​ളി​പ്പാ​ട്ട​ങ്ങ​ൾ വി​ൽ​ക്കു​ന്ന സ്റ്റാ​ൾ ന​ട​ത്തു​ന്ന സ​ലീ​മി​ന്‍റെ സ​ഹാ​യി​ക​ളാ​യി​രു​ന്നു രാ​ജ്കു​മാ​റും കൊ​ല്ല​പ്പെ​ട്ട ദി​ലീ​പും. മൂ​വ​രും രാ​വി​ലെ മു​ത​ൽ മ​ണ​പ്പു​റ​ത്തെ സ്റ്റാ​ളി​ൽ ഇ​രു​ന്ന് മ​ദ്യ​പി​ച്ചു. ഇ​തി​നി​ട​യി​ലു​ണ്ടാ​യ ത​ർ​ക്ക​ത്തി​നി​ടെ രാ​ജ് കു​മാ​റി​നെ ദി​ലീ​പ് മ​ർ​ദി​ച്ച​താ​യി പ​റ​യു​ന്നു.

ദിലീപിന്റെ ബന്ധുവാണ് രാജു. പരിക്കേറ്റ ദിലീപിനെ ആരും ആശുപത്രിയിൽ എത്തിക്കാൻ തയ്യാറാവാത്തതിനാൽ രക്തം വാർന്നായിരുന്നു മരണം.  
 
കൊവിഡിന്റെ പശ്ചാത്തലത്തിൽ മണപ്പുറത്തെ നഗരസഭയുടെ സ്ഥലത്ത് വാണിജ്യമേളയ്ക്ക് അനുമതി ഉണ്ടായിരുന്നില്ല. എന്നിട്ടും ഇവർ അനധികൃതമായി കച്ചവടം നടത്തുകയായിരുന്നു. നഗരസഭയോട് ഇവരെ ഒഴിപ്പിക്കാൻ പൊലീസ് രേഖാമൂലം ആവശ്യപ്പെട്ടിട്ടും നഗരസഭ തയ്യാറായില്ലെന്ന് ആക്ഷേപമുണ്ട്.